سال 2030 میں دو بار رمضان المبارک کا مہینہ آئے گا

ریاض: فلکیاتی ماہرین کا کہنا ہے کہ سال 2030 میں مسلمان دو مرتبہ رمضان المبارک کا مقدس مہینہ پائیں گے اور روزے رکھیں گے۔

باغی ٹی وی : عرب میڈیا کے مطابق سعودی ماہر فلکیات خالد الذعاق نے اپنے ٹوئٹر اکاؤنٹ پر پوسٹ کی گئی ایک ویڈیو بتایا ہے کہ سال 2030میں مسلمان دو بار رمضان کے روزے رکھیں گے قمری کیلنڈر کے حوالے سے دیکھاجائے تو ایسا ممکن ہےجس کی وجہ قمری سال کی مدت کا شمسی سال کے مقابلے میں 11 سے 12 دِن کم ہونا ہے اور 30 سالوں میں ایک بار ایسا موقع آتا ہے

في عام 2030 م
سنصوم 36 يوم
pic.twitter.com/TETTwQ98CW

— د.خالد صالح الزعاق (@dralzaaq) April 10, 2022

ان کا کہنا ہے کہ اسلامی کلینڈر قمری ادوار جبکہ عیسوی کلینڈر سورج کے گردزمین کے گردش کی نشان دہی کرتا ہے۔ رمضان ایک عیسوی سال میں قریباً ہر 30 سال میں دوبارآتا ہے۔

ہجری سال 1451ھ میں رمضان المبارک کا آغاز5 جنوری 2030کے آس پاس ہوگا اور سال 1452ھ میں رمضان 26 دسمبر 2030 کے آس پاس آئے گا اس طرح سے مسلمان 2030 میں مجموعی طور پر تقریباً 36 دن روزے رکھیں گے۔

آخری بارایسا 1997 میں ہوا تھا اور اس سے پہلے 1965 میں ہوا تھا 2030 کے بعد سنہ 2063 میں ایک مرتبہ پھر دوباررمضان آئے گا۔

واضح رہے کہ ہجری قمری سال 354 یا 355 دن کا ہوتا ہے جبکہ عیسوی سال 365 دن کا ہوتا ہے اسی لیے ہر سال رمضان اور دیگر مہینوں کی تاریخوں میں ہیر پھیر آتا ہے

نائیجیریا: توہین مذہب کے الزام ایک شخص کو 24 سال قید کی سزا

برج الخلیفہ پر اذان کے ساتھ الفاظ بھی آویزاں کئے جائیں گے

حرمین شریفین میں دنیا کا سب سے بڑا ایئرکنڈیشننگ پلانٹ