سات سالہ بچے کے قتل کا ڈراپ سین،حقیقی ماموں ہی قاتل نکلا

تھانہ سٹی کامونکی پولیس کی کاروائی ،7 سالہ حسنین کے اندھے قتل کا ڈراپ سین
بچے کا قاتل حقیقی ماموں نکلا،جس نے اپنی بیوی اور ساس کے ساتھ مل کربچے کواغواء کے بعد قتل کیا۔
سفاک ملزمان نے گھریلو رنجش کی بنا پر مقتول کو گلا دبا کر قتل کیا۔اور بوری بندنعش ویرانے میں پھینک دی۔
پولیس نے پیشہ وارانہ مہارت اورسائنسی آلات کی مدد سے ملزمان کو محدود وقت میں ٹریس کرکے گرفتار کر لیا۔
قتل اوراغواء سمیت دیگر سنگین جرائم میں ملوث مجرمان کی سرکوبی کرتے ہوئے ملزمان کو کیفر کردار تک پہنچایا جائے گا۔
ملزمان چاہے کتنے ہی شاطر کیوں نہ ہو ں قانون کی گرفت سے نہیں بچ سکتے۔سٹی پولیس آفیسرکیپٹن(ر) سیّد حماد عابد

گوجرانوالہ ،سٹی پولیس آفیسر کیپٹن(ر) سیّد حماد عابد کے ا حکامات کے پیش نظر تھانہ سٹی کامونکی کے علاقہ محلہ رسولنگر میں سات سالہ بچے حسنین کے اغواء کے بعد قتل کی لرزہ خیز واردات میں ملوث درندہ صفت ملزمان کو پولیس نے محدود وقت میں ٹریس کرکے گرفتار کر لیا۔بچے کا قاتل حقیقی ماموں نکلا۔ جس کی شناخت قیصر کے نام سے ہوئی ہے۔

مورخہ28/12/21کو مسمی چاند نے تھانہ سٹی کامونکی میں تحریر ی درخواست دی کہ اس کابھانجا حسنین بعمر قریب سات سال گھر سے دوکان پر چیز لینے گیا اور واپس نہ آیا ہے۔جس پر مقامی پولیس نے فوری طور پر مقدمہ درج رجسٹر کرکے بچے کی تلاش شروع کردی۔

دوران تلاش پولیس کو علاقہ تھانہ ایمن آباد سے ایک بوری بند لاش ملی جو کہ مغوی بچے حسنین کی تھی۔ معاملہ نوٹس میں آنے پر سٹی پولیس آفیسر کیپٹن(ر) سیّد حماد عابد نے ایس ایس پی آپریشنز آصف امین اعوان اور ایس پی صدر ڈویژن عبدالوہاب کے ہمراہ جائے وقوعہ کا معائنہ کیا اور مقتول کے لواحقین سے ملاقات کی اورملزمان کی جلد گرفتاری کی یقین دہانی کروائی۔سفاک ملزم کی گرفتاری کے لئے سی پی او کیپٹن (ر)سیّد حماد عابد نے ایس ایس پی آپریشنزآصف امین اعوان کی زیر قیادت، ایس پی صد ر ڈویژن عبدالوہاب کی زیر نگرانی ڈی ایس پی کامونکی اطہر گجر،ڈی ایس پی سی آئی اے گل نواز ودیگران پر مشتمل خصوصی پولیس ٹیمیں تشکیل دیں اورانہیں ملزم کی فوری گرفتاری کے لئے احکامات جاری کیے۔

جس پر پولیس ٹیموں نے تمام ممکنہ وسائل برؤئے کار لاتے ہوئے پیشہ و ارانہ مہارت اور جدید ٹیکنالوجی کی بدولت ملزم کے گرد گھیرا تنگ کرتے ہوئے مدعی مقدمہ کے رشتہ داروں اور علاقہ مکینوں کو شامل تفتیش کیا اورمقتول کے ماموں قیصر ولد یعقوب کو زیر حراست لیکر تفتیش کا آغاز کر دیا۔ملزم نے دوران تفتیش بتلایا کہ اُس نے اپنی بیوی شیزہ اور ساس ریاض بی بی کے ساتھ ملکر اپنے بھانجے حسنین کو اغواء کے بعد گلہ دبا کر قتل کردیا اور نعش کوبوری میں بند کر کے ویرانے میں پھینک دیا۔وجہ عناد یہ ہے کہ ملزمان کا مقتول کی فیملی کے ساتھ گھریلو تنازعہ تھا جس کی رنجش پرانہوں نے ننھے حسنین کو قتل کیا۔

ملزم کی محدود وقت میں گرفتاری پر سی پی او گوجرانوالہ کیپٹن(ر) سیّد حماد عابد نے کہا کہملزمان چاہے کتنے ہی شاطر کیوں نہ ہو ں قانون کی گرفت سے نہیں بچ سکتے۔ انہوں نے مزید کہاکہ قتل اوراغواء سمیت دیگر سنگین جرائم میں ملوث مجرمان کی سرکوبی کرتے ہوئے ملزمان کو کیفر کردار تک پہنچایا جائے گا۔ اہل خانہ اور معززین علاقہ نے پولیس کی کارکردگی کو سراہتے ہوئے سی پی او کا شکریہ ادا کیا۔ سٹی پولیس آفیسر نے کامیاب تفتیش عمل میں لانے اور ملزمان کی گرفتاری پر پولیس ٹیم کو شاباش دی۔

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

یہ ہے لاہور، ایک ہفتے میں 51 فحاشی کے اڈوں پر چھاپہ،273 ملزمان گرفتار

طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

راہ چلتی طالبات کو ہراساں اور آوازیں کسنے والا اوباش گرفتار