صبا قمر یو ٹیوب پر بھی چھا گئیں

پاکستان شوبز انڈسٹری کی معروف اداکارہ صبا قمر اداکاری کے یوٹیوب پر بھی چھا گئیں۔

باغی ٹی وی : اداکارہ صبا قمر کے یوٹیوب چینل پر سبسکرائبر کی تعداد 2 لاکھ ہوگئی صبا قمر نے اپنی اس خوشی کو مناتے ہوئے ایک کیک کاٹا اور تصویر شیئر کی۔


انہوں نے اپنی پوسٹ میں بتایا کہ اُن کے یوٹیوب چینل پر مختصر وقت میں ہی 2 لاکھ سبسکرائبر جبکہ 30 لاکھ لائکس ہوگئے ہیں اور یہ سب مداحوں کی وجہ سے ہی ممکن ہوسکا ہے۔

اداکارہ نے لکھا کہ بے حد مختصر وقت میں اتنا پیار دینے والوں کی شکرگزار ہوں اور میں یہ وعدہ کرتی ہوں کہ انشاءاللہ آئندہ اسی طرح کا بہترین مواد مداحوں تک پہنچاتی رہوں گی۔

صبا قمر کو یہ سنگ میل عبور کرنے پر ساتھی اداکار اور مداح کی بڑی تعداد مبارکباد دے رہی ہیں اور نیک تمناؤں کا اظہار کر رہے ہیں-

واضح رہے کہ صبا قمر نے اپنے یوٹیوب چینل کا آغاز رواں سال 21 اپریل کو کیا تھا- اُن کی پہلی قسط کا عنوان ’آئسولیشن بائے صبا قمر‘ تھا جو کہ اداکارہ نے خود ہی لکھا تھا۔اور اُن کی اس ویڈیو پر 5 لاکھ سے زائد صارفین نے دیکھا تھا۔

صبا قمر نے اپنے یوٹیوب چینل کی دوسری قسط ’دی چائے شوفیچرنگ صبا قمر ‘ کے عنوان سے اپ لوڈ کی تھی جس میں اُنہوں نے ایک مزاحیہ شو پیش کیا اور اُن کی اس ویڈیو کو 4 لاکھ سے زائد صارفین نے دیکھا تھا۔

صبا قمر نے اپنے یوٹیوب چینل پر تیسری قسط ’چسکا نیوز وِد صبا قمر اینڈ شاہ ویر جعفری‘ کے نام سے جاری کی جس میں اُنہوں مزاحیہ انداز میں اُن تمام خبروں کا تذکرہ کیا جو گزشتہ دنوں سے ٹرینڈنگ پر تھیں۔

اداکارہ کے یوٹیوب چینل کی تیسری قسط پر بھی 4 لاکھ سے زائد صارفین نے دیکھا تھا۔

اداکارہ صبا قمر نے چوتھی ویڈیو بھارتی اداکار سوشانت سنگھ کے نام کی، چوتھی قسط کا عنوان ’کب سمجھو گے؟‘ تھا جس میں صبا قمر نے ذہنی مسائل کو بڑے ہی شاندار انداز میں بتایا تھا۔

صبا قمر کی یو ٹیوب پر بڑی کامیابی

ہماری قوم نے ارطغرل سیریز سے محض ’ارطغرل پاپڑ‘ ارطغرل نسوار‘ ارطغرل سروس اسٹیشن جیسےنام رکھنا ہی سیکھے ہیں صبا قمر

پیار غیر مشروط ہونا چاہیے، اس میں لین دین کے معاملات نہیں ہونے چاہیئں صبا قمر

صبا قمر کا اپنا یو ٹیوب چینل لانچ کرنے کا اعلان

جواب چھوڑیں

آپ کا ای میل ایڈریس شائع نہیں کیا جائے گا.