fbpx

فیروز خان کے مطابق صبر اور برداشت میں کیا فرق ہے؟

پاکستان شوبز انڈسٹری کے معروف اداکار فیروز خان کا کہنا ہے کہ صبر اور برداشت دو الگ الگ چیزیں ہیں-

باغی ٹی وی : نجی ٹی وی چینل پر بلاک بسٹر ڈرامہ سیریل ’خدا اور محبت‘ کے سیزن 3 میں مرکزی کردار ادا کرنے والے ہیرواداکار فیروز خان نے اپنے حالیہ انٹرویو کے دوران صبر اور برداشت کرنے میں واضح فرق بتایا ہے جسے اُن کے مداح و فالوورز کی جانب سے بے حد سراہا جا رہا ہے-

سوشل میڈیا پر فیروز خان کے ایک انٹرویو کا مختصر ویڈیو کلپ خوب وائرل ہو رہا ہے جس میں انہوں نے صبر اور برداشت میں فرق بتایا ہے-

فیروز خان اپنے انٹرویو کے دوران میزبان کو جواب دیتے ہوئے کہا کہ ’صبر اور برداشت دو الگ الگ اور واضح چیزیں ہیں صبر کرنا اچھی بات ہے مگر برداشت کرنا بری بات نہیں ہے، اگر کوئی آپ کو تھوڑا سا بھی غرور یا تکبر دکھائے تو آپ کو بھی لازمی پلٹ کر غرور اور تکبر دکھانا چاہیے اور بتانا چاہیے کہ صحیح غرور اور تکبر دکھاتے کیسے ہیں۔

فیروز خان کی اس وائرل ہوتی ویڈیو پر اُن کے مداحوں کی جانب سے تبصروں کا سلسلہ جاری ہے جس میں چند کا کہنا ہے کہ فیروز خان بالکل صحیح بات کر رہے ہیں جبکہ کچھ انٹرنیٹ صارفین کا کہنا ہے کہ برداشت کرنا بھی اچھی بات ہوتی ہے۔

فیروز خان بھی امتحانات ملتوی کرنے کے لئے طلبہ کے حق میں بول پڑے

جواب چھوڑیں

آپ کا ای میل ایڈریس شائع نہیں کیا جائے گا.