سابق کمشنر راولپنڈی کو 25 کروڑ میں خریدا گیا،راجہ ریاض

فیصل آباد :مسلم لیگ ن کے رہنما اور سابق اپوزیشن لیڈر راجہ ریاض نے کہاہےکہ لیاقت چٹھہ کو آخری پوسٹنگ 5 کروڑ روپے لےکر عثمان بزدار نے دی تھی-

باغی ٹی وی : فیصل آباد میں پریس کانفرنس کرتے ہوئے راجہ ریاض کا کہنا تھا کہ لیاقت چٹھہ نے بہت بڑا الزام لگایا، ان کے ماضی کے بارے میں بتانا چاہتا ہوں،لیاقت چٹھہ نے 20 سال فیصل آباد میں نوکری کی،کرپٹ ترین مجسٹریٹ تھے، لیاقت چٹھہ کی جہاں بھی پوسٹنگ تھی کرپشن کی، ریٹائرمنٹ کے قریب پیسہ لےکر چیف الیکشن کمشنر اور چیف جسٹس پر جھوٹا الزام لگایا پی ٹی آئی کی عادت ہے جیت جاتے ہیں تو فیئر الیکشن، ہار جائیں تو الزامات لگاتے ہیں، پنڈی کےکمشنر کو 25 کروڑ روپے میں خریدا گیا ہے، امریکا کے شہر نیویارک میں اوور سیز کے ذریعے ان کو فلیٹ دیا گیا ہے لیاقت چٹھہ کا نام ای سی ایل پر ڈال کر انکوائری کی جائے، لیاقت چٹھہ کو آخری پوسٹنگ 5 کروڑ روپے لےکر عثمان بزدار نے دی تھی۔

پی ٹی آئی اور سنی اتحاد کونسل کے درمیان معاملات طے پا گئے

رہنما ن لیگ کا کہنا تھا کہ پی ٹی آئی نےگزشتہ روز بھی 9 مئی 2 کرنےکی کوشش کی مگر ناکام ہوئے، علی امین کو اس لیے نامزدکیا کہ وہ بانی پی ٹی آئی کے ساتھ 9 مئی میں ملوث ہے، ان کا ایجنڈا ہے پاکستان رہے یا نہ رہے بانی پی ٹی آئی کو وزیراعظم بنایا جائےسیاسی قیادت ملک کو مستحکم بنانے اور مہنگائی کے خاتمےکے لیے مل کرکام کرے، پی ٹی آئی والے جہاں جاتے ہیں لوگوں کو خرید کر ایسے گھناؤنے کام کرتے ہیں، مولانا نےکہا تھا عدم اعتماد میں آپ ساتھ دیں بہت لوگ ہمیں سپورٹ کر رہے ہیں نواز شریف نےکہا تھا اگر سادہ اکثریت ملی تو وزیراعظم بنوں گا، سادہ اکثریت نہیں ملی، نواز شریف نے شہباز شریف کو وزیراعظم کے لیے نامزدکیا، مسلم لیگ ن کی حکومت بنی تو پانچ سال پورے کرے گی۔

جس کا بھی مینڈیٹ ہے اس کو حکومت دینا چاہیئے،شاہ اویس نوارنی