سابق سٹی ناظم کی وفات پر گورنر ،وزیراعلیٰ سندھ کی تعزیت

سابق سٹی ناظم کی وفات پر گورنر ،وزیراعلیٰ سندھ کی تعزیت

باغی ٹی وی کی رپورٹ کے مطابق سابق سٹی ناظم کراچی نعمت اللہ خان کی وفات کی خبر سن کر بڑی تعداد میں جماعت اسلامی کے کارکنان ہسپتال پہنچنا شروع ہو گئے، انکے نماز جنازہ کا اعلان کچھ دیر میں کیا جائے گا.نعمت اللہ خان کا انتقال 89 سال کی عمر میں ہوا

نعمت اللہ خان سابق ناظم کراچی ، سابق ممبر سندھ اسمبلی ، سابق امیر جماعت اسلامی کراچی ، سابق رکنِ شوریٰ جماعت اسلامی پاکستان ، سابق امیر جماعت اسلامی سندھ رہے ہیں. وہ 2001 سے 2005 کے دوران کراچی کے سٹی ناظم رہے ،انہوں نے ابتدائی تعلیم اجمیر سے حاصل کی،نعمت اللہ خان نے پنجاب یونیورسٹی سے جرنلزم میں گریجویشن کی،نعمت اللہ خان نے کراچی یونیورسٹی سے قانون کی ڈگری حاصل کی،نعمت اللہ خان کراچی کے 26 ویں میئر تھے

وزیراعلیٰ سندھ سید مراد علی شاہ نے سابق سٹی ناظم کراچی نعمت اللہ خان کے انتقال پر گہرے دکھ کا اظہار کیا ہے، ترجمان وزیراعلیٰ سندھ کے مطابق وزیراعلیٰ سندھ نے مرحوم نعمت اللہ خان کی مغفرت کیلئے دعا کی، گورنر سندھ عمران اسماعیل نے بھی نعمت اللہ خان کی وفات پر تعزیت اور گہرے دکھ کر اظہار کیا اور کہا کہ کراچی کی تعمیر و ترقی کی کاوشوں میں انکی خدمات کو نہیں بھلایا جا سکتا،

سابق سٹی ناظم کراچی وفات پا گئے