سابقہ وزیراعظم نے بلوچستان سے زیادہ لندن کے دورے کئے، وزیراعظم

سابقہ وزیراعظم نے بلوچستان سے زیادہ لندن کے دورے کئے، وزیراعظم

باغی ٹی وی کی رپورٹ کے مطابق وزیراعظم عمران خان نے بلوچستان کے جنوبی اضلاع کے عمائدین سے خطاب کرتے ہوئے کہا کہ بلوچستان باقی پاکستان سے پیچھے رہ گیا،بہت کام وفاقی حکومتوں نے بلوچستان کا سوچا،

وزیراعظم عمران خان کا کہنا تھا کہ بلوچستان کے سیاستدانوں نے زیادہ تر اپنا سوچا ،پاکستان میں سیاسی لوگوں نے ملک سے زیادہ اپنے آپ کو فائدہ پہنچایا،سابقہ وزیراعظم نے بلوچستان سے زیادہ لندن کے دورے کئے،یک صدر نے بلوچستان سے زیادہ دبئی کےد ورے کیے،چین نے 70کروڑ لوگوں کو غربت سے نکالا،چین چاہتا تھا کہ مغربی چین سی پیک کے ذریعے تیزی سے ترقی کرے

وزیراعظم عمران خان کا کہنا تھا کہ سب سے زیادہ زور لگائیں گے کہ بلوچستان کو اوپر اٹھائیں،ملک ایک گھر ہوتا ہے اور یہ نہیں ہوسکتا کہ 2 بچے آگے نکل جائیں اور باقی پیچھے رہ جائیں،اس وقت دنیامیں جو ملک سب سے تیزی ترقی کررہا ہے وہ چین ہے، سب کو نظر آرہا ہے کہ چین چند سال بعد سب سے اوپر چلا جائے گا، 2 ہزار ارب ڈالر چین کی ٹریڈ ہے،ساری دنیا میں کورونا وائرس کا عذاب آیا ہوا ہے، کورونا وائرس کی وجہ سے بھارت کے معاشی حالات بہت خراب ہیں،آنے والے دنوں میں ہمیں بہت احتیاط کرنا ہوگی ،کورونا کی وجہ سے 900 ارب روپے کم ٹیکس جمع ہوا،

وزیراعظم عمران خان کا مزید کہنا تھا کہ عوام کو ایس اوپیز پر عمل درآمد اور ماسک پہننا ہوگا،پاکستان کے پاس نوجوان آبادی ہے، نیا پاکستان ہاوَسنگ اسکیم اب بلوچستان لے کر آرہے ہیں،کمزور طبقے کو اوپر اٹھائیں گے تو ملک ترقی کرے گا،

اس سے قبل ان کی آمد پر گورنر امان اللہ یاسین زئی اور وزیراعلیٰ جام کمال نے وزیراعظم کا استقبال کیا، دورے کے دوران وزیر اعظم جنوبی بلوچستان کے لیے ترقیاتی پیکج کا اعلان کریں گے اور تربت میں ترقیاتی اور سماجی بہبود کے منصوبوں کا سنگ بنیاد بھی رکھیں گے۔

وزیر اعظم عمران خان گورنر بلوچستان اور وزیر اعلیٰ جام کمال کے علاوہ قبائلی عمائدین سے ملاقات بھی کریں گے۔ذرائع کے مطابق وفاقی وزیر اسدعمر، مرادسعید، شبلی فراز وزیر اعظم کے ہمراہ ہیں۔

جواب چھوڑیں

آپ کا ای میل ایڈریس شائع نہیں کیا جائے گا.