صدر مملکت کا طالب علم کا ٹرانسکرپٹ اور ڈگری روکنے پر اظہاربرہمی
صدر مملکت نے وفاقی اردو یونیورسٹی کی جانب سے طالب علم کا ٹرانسکرپٹ اور ڈگری روکنے پر اظہاربرہمی کیا ہے
صدر مملکت نے وفاقی اردو یونیورسٹی کو 15 دن کے اندر طالب علم کو ڈگری جاری کرنے کی ہدایت کی ہے، طالب علم کو وفاقی اردو یونیورسٹی اور پاکستان بیت المال کے درمیان ضابطے کی کاروائی میں تاخیر کی وجہ سے نہیں دی جارہی تھی ،صدر مملکت ڈاکٹر عارف علوی کا کہنا تھا کہ لیٹ فیس کی ادائیگی کے معاملے کو حل کرنے کے بجائے، یونیورسٹی نے غیر منصفانہ طور پر طالب علم کی ڈگری اور ٹرانسکرپٹ روکا، پاکستان بیت المال کی جانب سے فیس براہ راست یونیورسٹی کو ادا کی جاتی تھی ، ادائیگی میں طالب علم کا کوئی عمل دخل نہیں تھا،
صدر عارف علوی نے پاکستان بیت المال کو متاثرہ طالب علم کی شکایات کا ازالہ کرنے کی بھی ہدایت کی، صدر مملکت نے وفاقی محتسب کے فیصلے کے خلاف پاکستان بیت المال کی درخواست مسترد کردی ، صدر مملکت ڈاکٹر عارف علوی کا کہنا تھا کہ یونیورسٹی کو اچھی طرح معلوم تھا کہ طالب علم احساس اسکالرشپ پروگرام کے تحت تعلیم حاصل کررہا تھا،
طالب علم عباد الرحمان (شکایت کنندہ) نے بی بی اے کی ڈگری اور ٹرانسکرپٹ کے اجراء کے لیے وفاقی محتسب کو اپیل کی تھی ،یونیورسٹی نے 122,500 روپے کے بقایا جات کی عدم ادائیگی کی وجہ سے ڈگری روکی تھی وفاقی محتسب نے طالب علم کے حق میں فیصلہ صادر کیا اور بیت المال کو معاملہ حل کرنے کا حکم دیا تھا بیت المال نے فیصلے کے خلاف صدر مملکت کو درخواست دائر کی ، جسے مسترد کر دیا گیا
سیکیورٹی خطرات کے خلاف ہم نے مکمل تیاری کر رکھی ہے، ترجمان پاک فوج
الیکشن پر کسی کو کوئی شک ہے تو….ترجمان پاک فوج نے اہم مشورہ دے دیا
فوج کو سیاست میں نہ گھسیٹا جائے ، دعا ہے علی سد پارہ خیریت سے ہو،ترجمان پاک فوج