سینیٹ اجلاس میں صادق سنجرانی کو ہٹانے کی قرارداد پر ووٹنگ نہ کرائے جانے کا امکان

0
45

چیئر مین سینٹ کو ہٹانے کی قرداد ایجنڈے میں شامل نہ کرنے کا فیصلہ، سینٹ کا ریکو زیشن کا اجلاس 23 جولائی کو ہوگا.
سینیٹ اجلاس میں چیئرمین صادق سنجرانی کو ہٹانے کی قرارداد پر ووٹنگ نہ کرائے جانے کا امکان ہے۔

گزشتہ روز چیئرمین سینیٹ نے اپوزیشن کی ریکوزیشن پر 23 جولائی کو ایوان بالا کا اجلاس بلانے کا اعلان کیا تھا۔

سینیٹ سیکریٹری ذرائع کے مطابق ریکوزیشن اجلاس کا آرڈر آف دی ڈے پیر کو تیار کیا جائے گا لیکن ریکوزیشن اجلاس کے ایجنڈے میں چیرمین سینیٹ کو ہٹانے کی قرارداد پر ووٹنگ شامل نہیں ہو گی۔

ذرائع کے مطابق ریکوزیشن اجلاس میں چیئرمین سینیٹ کو ہٹانے کی تحریک پر صرف بحث ہو گی۔
واضح رہے کہ اپوزیشن کچھ عرصے سے چیئرمین سینٹ کو ہٹانے کی باتیں کرتے آئےہیں. چیئر مین سینٹ نے بلاول بھٹو کے مطالبے کو یکسر مسترد کرتے ہوئے کہا ہے کہ میں استعفیٰ نہیں دوں گا اور اپوزیشن کی تحریک عدم اعتماد کا مقابلہ کروں گا

Leave a reply