صدر پاکستان ڈاکٹرعارف علوی حدیقہ کیانی کے کشمیر کے لئے گائے گئے گانے کے متعرف

0
24

صدر پاکستان ڈاکٹر عارف علوی نے پاکستان میوزک انڈسٹری کی معروف اور عالمی شہرت یافتہ گلوکارہ حدیقہ کیانی کے کشمیریوں کے لیے گائے گانے کی تعریف کرتے ہوئے کہا کہ کشمیر کے مظلوم عوام کی جدوجہد کی عکاسی کرتا یہ ایک بہترین گانا ہے

باغی ٹی وی : سوشل میڈیا ویب سائٹ انسٹاگرام پر حدیقہ کیانی نے ڈاکٹر عارف علوی کے تعریفی پیغام کی ایک تصویر شیئر کی ہے جس پر تحریر ہے کہ کشمیر کے مظلوم عوام کی برسوں کی جدوجہد کی عکاسی کرتا یہ ایک بہترین گانا ہے۔ انشاء اللہ کشمیریوں کے خواب، جیسا کہ اس گانے میں بتائے گئے ہیں، ایک دن حقیقت ہوں گے۔

ڈاکٹر عارف علوی نے کہا کہ یہ واقعی ایک دل کو گرما دینے والا گانا ہے انہوں نے کہا کہ کشمیریوں پر جو بھارت ظلم و ستم، قتل و غارت کررہا ہے اُس کا خاتمہ ہوگا اور کشمیر آزاد ہوگا۔

https://www.instagram.com/p/CCocQZUMjgF/?igshid=m249f9nlddqe
یہ پوسٹ شئیر کرتے ہوئے کیپشن میں حدیقہ کیانی نے لکھا کہ میں اُن تمام لوگوں کی بےحد شکر گزار ہوں جنہوں نے اس گانے کو پسند کیا اور میری حمایت کی۔

حدیقہ کیانی نے لکھا کہ میں ایک گلوکارہ ہوں ، میں صرف یہ کرسکتی ہوں کہ میں اپنے اس پلیٹ فارم کا استعمال کر کے ان لوگوں کے لئے اپنی آواز کے ذریعے شعور اجاگر کروں اور میں ترکی کے اپنے ساتھی فنکاروں ، علی ٹولگا ڈیمرٹا اور ٹورگی ایورین کا اس خراج تحسین میں شامل ہونے پر ان کا شکریہ ادا کرنا چاہتی ہوں۔

انہوں نے لکھا کہ ہم محض ایک گانا گا کر نہیں رک سکتے بلکہ ہمیں کشمیریوں کی آواز سننے کی بھی ضرورت ہے۔ میں کشمیری فنکاروں کے ساتھ گانا چاہتی ہوں اور مجھے امید ہے کہ مظلوموں کے لئے اپنی آواز بلند کرکے عالمی رہنماؤں تک پہنچے گی اور وہ اس مقصد کو پورا کرنے میں مدد کریں گے۔

گلوکارہ نے اپنی پوسٹ کے آخر میں مزید لکھا کہ ہمیں انصاف، امن اور محبت کی ضرورت ہے۔

واضح رہے کہ 13جولائی یوم شہدائے کشمیر کے موقع پر حدیقہ کیانی نے یہ گانا حدیقہ کیانی اور تُرک فنکاروں نے تین مختلف زبانوں میں جاری کیا گیا ہے جن میں اُردو، ترکش اور کشمیری زبان شامل ہے جس میں اُنہوں نے شہدائے کشمیر کو خراج عقیدت پیش کیا تھا۔ جبکہ گانے کا دورانیہ 3 منٹ 37 سیکنڈز ہےگانے کی ویڈیو میں شہدائے کشمیر کی تصاویر اور مقبوضہ کشمیر میں جاری بھارتی فوج کے مظالم کو دکھایا گیا ہے-

یاد رہے کہ 13جولائی یوم شہدائے کشمیر کے موقع پر حدیقہ کیانی کے گانے کو یو ٹیب سے ہٹا دیا گیا ہے جس کی تصدیق گلوکارہ نے اپنی انسٹا گرام سٹوری پر کی تھی حدیقہ کیانی نے لکھا تھا کہ کہ ہمارے کشمیر کو خراج تحسین پیش کئے جانے والے گانے کوکچھ گھنٹے پہلے ہی یوٹیوب سے ہٹا دیا گیا تھا۔ ایسا لگتا ہے کہ باقاعدہ خاموشی ہو رہی ہے لیکن ہمیں خاموش نہیں کیا جائے گا کیونکہ ہمارا پیغام محبت اور امن کا ہے-

اس کے بعد انہوں نے مزید کہا کہ بین الاقوامی سوسائٹی کشمیر سیویتاس "ویڈیو کو دوبارہ اپ لوڈ کرنے کے لئے سرگرم عمل ہے” ، اور یہ کہ وہ جیسے ہی کوئی نئی اپ ڈیٹ ملتی ہے تو اپنے مداحوں کے ساتھ تازہ ترین معلومات شیئر کریں گی۔ ابھی تک ، کوئی اور تازہ خبر اپ ڈیٹ نہیں کی گئی ہے-

حدیقہ کیانی کا کشمیر سے متعلق گانا یوٹیوب سے ہٹا دیا گیا

Leave a reply