صفائی والی لڑکی کے ساتھ چار ملزمان کی اجتماعی زیادتی

ملتان میں نجی بس اسٹینڈ پر چار ملزمان نے لڑکی کے ساتھ اجتماعی زیادتی کی ہے

پولیس حکام کے مطابق لڑکی بس اسٹینڈ پر صفائی کا کام کرتی تھی، لڑکی کو ملزمان نے ورکشاپ میں اجتماعی زیادتی کا نشانہ بنایا، پولیس نے واقعہ کا مقدمہ درج کر لیا ہے،زیادتی کا شکار لڑکی نے پولیس کو بتایا کہ وہ چھٹی کر کے شام ساڑھے چھ بجے واپس جا رہی تھی کہ ایک بس ڈرائیور اسے نزدیکی ورکشاپ میں صفائی کرنے کا کہہ کر ساتھ لے گیا ،وہاں تین اور افراد بھی موجود تھے، چاروں نے ملکر اس کے ساتھ اجتماعی زیادتی کی، بعد ازاں اس کی طبیعت خراب ہوئی تو ملزمان نیم بے ہوشی کی حالت میں ورکشاپ کے باہر چھوڑ گئے، ہوش آنے پر اس نے بس اسٹینڈ آکر اسٹینڈ کے مینجر کے نمبر سے پولیس کو اطلاع دی۔

پولیس نے موقع پر پہنچ کر لڑکی کے بیان پر چار افراد کے خلاف اجتماعی زیادتی کا مقدمہ درج کرلیا تاہم ملزمان کی گرفتاری عمل میں نہیں آسکی ،پولیس کا کہنا ہے کہ جلد ملزمان کو گرفتار کر لیا جائے گا،

پی سی بی کا 2024ء کیلئے ہال آف فیم کرکٹرز کا اعلان

وفاقی وزیرداخلہ کی مولانا فضل الرحمان سے ملاقات،کرم پر گفتگو