پتوکی : ظلم کی انتہا اپنوں کا خون سفید ہوگیا ، سگے بیٹے نے ماموں کے ساتھ مل کر ماں کو 3 ماہ سے زنجیروں سے باندھ کر گھر میں قید کر لیا-

باغی ٹی وی :پتوکی بہڑوال 50 سالہ سیماں بی بی کو زہنی توازن درست نہ ہونے کا بہانہ بنا کر بھائی اور بیٹے نے پاؤں میں لوہے کی زنجیریں باندھ کر قید کر لیا ڈی ایس پی پتوکی آصف حنیف نے اطلاع ملنے پر فوری کاروائی کرتے ہوئی زنجیروں میں جکڑی سیماں بی بی کو اس کے بیٹے ساجد کے گھر سے بازیاب کروا کر بیٹے ساجد کو گرفتار کر لیا –

سیماں بی بی کو تھانہ سرائے مغل منتقل کر دیا گیا جہاں اس کی تحریری درخواست پر اس کے بھائی سلیم ، بیٹے ساجد اور بھابھی کبریٰ کے خلاف کاروائی کی جا رہی ہے سیماں بی بی کے مطابق میرا ذہنی توازن بلکل ٹھیک ہے-

سیماں بی بی نے بتایا کہ میرے بیٹے ساجد بھائی سلیم اور بھابی کبریٰ نے مجھے زبردستی زنجیروں باندھ کر قید کیا اور مجھ پر تشدد کرتے تھے اور میرے پیسے بھی مجھ سے چھین لیے بیٹے ساجد کے مطابق میری والدہ کا زہنی توازن درست نہیں ہے محلہ داروں کے ساتھ گالم گلوج کرنے کی وجہ سے اسے ہم نے زنجیروں کے ساتھ باندھا ہے –

پولیس کے مطابق سیماں بی بی کے بیان کے مطابق قانونی کاروائی عمل میں لائی جائے گی جس کے بعد سیماں بی بی کو دارلامان میں منتقل کر دیاجائے-

سابق شوہر نے بیوی کو تشدد کا نشانہ بنانے کے بعد اس کے جسم کا اہم حصہ کاٹ دیا