سی ویو پر پھنسے والا جہاز شہریوں کے لیے تفریح کا ذریعہ بن گیا

کراچی کے ساحل پر سپلائی جہاز 50 گھنٹوں سے پھنسا ہوا ہے، سپلائی شپ عملہ اتارنے ہانگ کانگ سے پاکستان پہنچا تھا تاہم اب جہاز شہریوں کے لیے تفریح کا ذریعہ بن گیا ہے-

باغی ٹی وی : گزشتہ روز کراچی سی ویو پر غیر ملکی جہاز ریت میں پھنس گیا تھا۔جس کو شہریوں نے اپنے لیے تفریح کا ذریعہ بنا لیا۔کراچی سی ویو پر پھنسے جہاز کو دیکھنے کے لیے شہری بڑی تعداد میں آ رہے ہیں۔

بحری جہاز گزشتہ روز کو ساحل ریت میں آ دھنسا تھا جس پر کنٹینرز لدے ہوئے تھے۔تا ہم جہاز کی انتظامیہ نے جہاز کو ریسکیو کرنے کے لیے کوئی باضابطہ درخواست جنع نہیں کرائی جس کی وجہ سے کوئی ایکشن نہیں لیا جا سکا

کے پی ٹی حکام کا کہنا ہے جہاز کو نکالنے طاقتور سالویج ٹگ استعمال کرنا ہوں گے، تاہم جہاز کی مالک کمپنی نے ریسکیو کرنے کی ابھی تک باضابطہ درخواست نہیں کی، اور جہاز کی آمد کی اطلاع بھی کے پی ٹی کو نہیں دی گئی تھی، اس لئے کے پی ٹی کے ٹگ پورٹ آپریشن چھوڑ کر پھنسے ہوئے جہاز کو ریسکیو نہیں کرسکتے۔

کے پی ٹی کے حکام نے بتایا یہ جہاز سنگاپور سے 18 جولائی کو کریو کی تبدیلی کے لئے آیا تھا۔تاہم خراب موسم ہونے کی وجہ سے اس کاجہا زکا لنگر الگ ہو کر گم ہو گیا تھا جس کی وجہ سے انجن کمزور ہو گیا اور سمندری لہروں کا مقابلہ نہ کر سکا اور بالاآخر ساحل سمند ریت پر آ کر دھنس گیا۔

کراچی پورٹ ٹرسٹ کے ذرائع کے مطابق کراچی کے ساحل پر پھنسنے والا جہاز 10 سال پرانا ہے اوراسے نقصان نہیں ہوا ہے کم گہرے پانی کے ٹگ جہاز کو نکال سکتے ہیں، تاہم پاکستان کے پاس کم گہرے پانی کے ٹگ پشرر نہیں ہیں جہاز کے مالک کو ٹگ پشرر کا انتظام کرنا ہو گا، عالمی قوانین کے تحت یہ جہاز کے مالک کی ذمے داری ہے۔

کے پی ٹی ساحل پر پھنسے بحری جہاز کو نکالنے میں تاحال ناکام، جہازکے طویل عرصے تک پھنسے رہنے کا امکان