ساحل سمندر ،ریسٹورنٹ ہوٹل کے ویٹر کی خاتون سے زیادتی کی کوشش

کراچی کے ساحل پر واقع ریسٹورنٹ کے ویٹر نے‌ خاتون سے زیادتی کی کوشش کی ،پولیس نے مقدمہ درج کر لیا

باغی ٹی وی کی رپورٹ کے مطابق دو دریا پر واقع نجی ریسٹورنٹ پر ہوٹل کے ویٹر نے خاتون سے مبیبنہ طور پر زیادتی کی کوشش کی، پولیس کا کہنا ہے کہ ریسٹورنٹ میں مظفر نامی شخص اپنی دوست کے ہمراہ کھانا کھانے کے لئے ریسٹورنٹ میں گیا، اسی دوران خاتون ریسٹورنٹ میں بنے خواتین کے لئے واش روم میں گئی تو ہوٹل کا ویٹر دیوار پھلانگ کر آ‌گیا

خاتون کے مطابق ہوٹل کا ویٹر نشے میں تھا وہ نازیبا حرکات کرنے لگا جس پر اس نے شور مچا دیا، پولیس نے واقعے کا مقدمہ درج کر لیا ہے. ایس ایچ او غزالہ پروین کا کہنا ہے کہ ویٹر ضیاء الدین کو جلد گرفتار کر لیا جائے گا.

واضح رہے کہ ساحل سمندر پر خواتین سے زیادتیوں کے واقعات میں اضافہ دیکھنے میں‌آیا ہے ، اس سے قبل بھی متعدد ایسے واقعات پیش آ چکے ہیں. پولیس ملزمان کو گرفتار کرنے میں ناکام ہوتی ہے جس کی وجہ سے ایسے واقعات پیش آتے رہتے ہیں،

عوامی حلقوں نے خواتین کو تحفظ فراہم کرنے اور ریسٹورنٹ ویٹر کے خلاف کاروائی کا مطالبہ کیا ہے