شائقین پی ایس ایل کے لیے اچھی خبر آگئی

شائقین پی ایس ایل کے لیے اچھی خبر آگئی

باغی ٹی وی : پاکستان سپر لیگ6 کے ملتوی شدہ میچز کا شیڈول فائنل کر لیا گیا، شائقین کرکٹ کے لیے اچھی خبر کہ پہلا میچ 6 جون کو کھیلا جائے گا۔

کرکٹ کی پھر بحالی کا عمل شروع ہو چکا ہے پی ایس ایل 2021 کے بقیہ میچز کا شیڈول جاری کردیا گیا، یکم جون سے ایونٹ شروع ہوجائے گا۔ پی ایس ایل کا فائنل 20 جون کو کھیلا جائے گا۔ تمام میچز نیشنل اسٹیڈیم کراچی میں کھیلے جائیں گے،نائٹ میچز کا آغاز رات 8 بجے ہوگا، ڈبل ہیڈر والے دن پہلا میچ شام 5 بجے اور دوسرا رات 10 بجے شروع ہوگا ۔

ذرائع کے مطابق بائیو سکیور ببل کے لیے پی سی بی نے غیر ملکی تجربہ کار کمپنی کی خدمات حاصل کر لی ہیں۔

ذرائع کا بتانا ہے کہ پی ایس ایل کے زیادہ تر میچز سنگل ہیڈر ہوں گے اور پہلا میچ لاہور قلندرز اور اسلام آباد یونائیٹڈ کے درمیان ہو گا، میچز کراچی میں ہوں گے اور آخری میچ 20 جون کو کھیلا جائے گا۔

خیال رہے کہ کورونا وائرس کے بڑھتے کیسز کے پیش نظر پاکستان سپر لیگ کے چھٹے ایڈیشن کے میچز ملتوی کر دیے گئے تھے۔