ساہیوال،بس حادثے میں 5 افراد جاں بحق، 61 زخمی

0
23

ساہیوال،بس حادثے میں 5 افراد جاں بحق، 61 زخمی

باغی ٹی وی کی رپورٹ کے مطابق عارفوالا سے فیصل آباد جانے والی نجی کمپنی کی بس نمبری FDQ 9996 ساہیوال بائے پاس کے قریب تیز رفتاری کے باعث حادثے کا شکار ہوکر الٹ گئی،

اس خوفناک حادثے میں پانچ افراد جاں بحق جبکہ 61 افراد زخمی ہوگئے،زخمیوں میں متعدد افراد کی حالت تشویشناک ہے،حادثے کی اطلاع ملتے ہی ریسکیو ٹیمیں موقع پر پہنچیں اور جاں بحق ہونے والے افراد کی میتوں اور زخمیوں کو ڈسٹرکٹ ہیڈ کوارٹرز اینڈ ٹیچنگ ہسپتال منتقل کرنا شروع کیا،

دوسری طرف ہسپتال انتظامیہ کا کہنا تھا کہ ہسپتال میں تمام سٹاف کو الرٹ کردیا گیا ہے اور ایم ایس سمیت سینئیر ڈاکٹرز اور معاون عملہ وارڈ میں موجود ہے زخمیوں کو ہر طرح کی ممکن طبی امداد پہنچائی جارہی ہے

عینی شاہدین کے مطابق حادثے کا شکار ہونے والی بدقسمت بس کا ڈرائیور تیز رفتاری اور غلط اوورٹیکنگ کی وجہ سے بس پر قابو نہ رکھ سکا اور بس سڑک سے اتر کر درخت سے جا ٹکرائی، اور تمام مسافر بس الٹنے کے باعث اندر ہی پھنس گئے، موقع پر موجود لوگوں کا کہنا تھا کہ زخمیوں کی چیخ وپکار سے قیامت صغری کا منظر معلوم ہوتا تھا

واضح رہے کہ ساہیوال سے عارفوالا جانے والی روڈ انتہائی ٹوٹ پھوٹ کا شکار ہے اور آئے روز حادثات پیش آتے رہتے ہیں

Leave a reply