سیف علی خان کی فلم کی شوٹنگ کے دوران سیٹ پر خوفناک آگ بھڑک اٹھی

بالی وڈ اداکار سیف علی خان اور پربھاس کی فلم ’آدیپورش‘ کی شوٹنگ کے دوران سیٹ پر خوفناک آگ بھڑک اٹھی۔

باغی ٹی وی : اداکار سیف علی خان ایک کے بعد ایک پریشانی کا شکار ہو رہے ہیں اداکار کی حال ہی میں رہیلز ہونے والی ویب سیریز تانڈو انتہا پسند ہندوؤں کی انتہا پسندی کا شکار ہو گئی تھی سیاسی حالات پر مبنی اس ویب سیریز میں ڈائیلاگز کی وجہ سے سیف علی خا ن اور پروڈیوسر علی عباس ظفر سمیت پوری ٹیم انتہا پسند یندو سیاسی جماعتوں کے غضب کے نشانے پر ہیں-

تاہم اب سیف علی خان کی نئی آنے والی فلم آدیپورش کی شوٹنگ کے دوران سیٹ پر خوفناک حادثہ پیش آگیا ہے بھارتی میڈیا کے مطابق ممبئی میں اداکار سیف علی خان اور مشہور فلم بہو بلی کے ہیرو پربھاس کی فلم ’آدیپورش‘ کی شوٹنگ کے دوران سیٹ پر خوفناک آگ بھڑک اٹھی جس کے باعث سیٹ مکمل طور پر جل کر راکھ ہوگیا۔

ممبئی فائر بریگیڈ کے مطابق آگ دوسرے درجے کی تھی جو کہ شارٹ سرکٹ کے باعث لگی جس پر قابو پالیا گیا ہے تاہم کوئی جانی نقصان نہیں ہوا آگ اس قدر خوفناک تھی کہ آسمان پر دھویں کے گہرے بادل چھاگئے جب کہ دور دور تک لوگوں کو دھواں اٹھتا دکھائی دے رہا تھا۔

واضح رہے کہ فلم ’آدیپورش‘ میں اداکار سیف علی خان اور پربھاس مرکزی کردار میں نظر آئیں گے جب کہ فلم کی شوٹنگ کا آج پہلا دن تھا اور صبح افتتاحی تقریب کے کچھ ہی دیر بعد سیٹ پر آگ لگ گئی تاہم سیف علی خان اور پربھاس دونوں سیٹ پر موجود نہیں تھے۔

بھارتیو اپنا برداشت کا لیول بڑھاؤ ، عدنان صدیقی کا بھارتیوں کو پیغام

بھارتی عدالت نےمسلمان کامیڈین منور فاروقی کی درخواست ضمانت مسترد کردی

جب رانی مکھر جی نے سیف علی خان کو کرینہ کپور سے شادی کرنے سے پہلے نصیحت کی

علامہ خادم حسین رضوی ،آر ایس ایس اور تانڈو ویب سیریز

سپریم کورٹ نے بالی ووڈ شہنشاہ سیف علی کی گرفتاری پراپنا ردعمل کیسے دیا؟اہم خبرآگئی

ہندو انتہا پسندتنظیم کا’تانڈو‘کے فلمسازوں کی زبان کاٹنے والے کیلئے ایک کروڑ روپے…