پاکستان میوزک انڈسٹری کے معروف بین الاقوامی لیجنڈ گلوکار سجاد علی کے بیٹے خوبی علی کا پہلا گانا ’اداس‘ ریلیز ہوتے ہی مقبول ہوگیا۔
باغی ٹی وی :خوبی علی نے موسیقی کی دنیا میں باضابطہ طور پر قدم رکھنے کیلئے اپنے والد کے مشہور گانے کا انتخاب کیا اور اسے اپنی آواز میں بھرپور طریقے سے نبھایا۔
خوبی علی کا ڈیبیو گانا سجاد علی کا 2005 میں ریلیز کیے جانا والا گانا ’کیوں اُداس پھرتے ہو‘ ہے۔
گانے کی آفیشل ویڈیو سجاد علی کے آفیشل یوٹیوب چینل پر جاری کی گئی ہے۔
My son KHUBI ALI making his debut with #UDAAS. Enjoy 😊 https://t.co/JQ1SihtUHZ pic.twitter.com/62Io5CwGpv
— Sajjad Ali (@sajjad_official) January 25, 2021
سجاد علی نے سماجی رابطے کی ویب سائٹ ٹوئٹر پر ویڈیو کا یوٹیوب لنک شئیر کرتے ہوئے بتایا کہ ان کے بیٹے خوبی علی کا ’اداس‘ گانے کے ذریعے میوزک انڈسٹری میں ڈیبیو-
3 منٹ اور 23 سیکنڈ پر مبنی ویڈیو میں دیکھا جاسکتا ہے کہ خوبی کسی گاؤں میں موجود ہیں اور منظر بھی شام کے وقت کا ہے ۔
خوبی علی نے اپنا پہلا گانا ٹوٹے دِلوں کے نام کیا اور کہا کہ ان تمام ٹوٹے ہوئے دلوں کے نام جو اپنی زندگی بغیر شکایتوں کے اپنے ہی انداز سے جینے کے عادی ہیں۔
یاد رہے کہ سجاد علی نے اپنا گانا ’کیوں اداس پھرتے ہو‘ گلوکار سجاد علی نے سال 2005 میں اپنے البم رنگین میں گایا تھا ۔
اس سے قبل خوبی علی اپنے والد سجاد علی کے گانے’بارش‘ کی ویڈیو میں بھی نظر آئے تھے۔