سجاد علی قابل احترام اور میرے پسندیدہ ترین گلوکار ہیں سونو نگم

0
20

بھارتی گلوکار سونونگم نے سوشل میڈیا پر سجاد علی سے ملاقات کی تصاویر اور یادگار لمحات شیئر کردیئے اور ساتھ ہی ان کو اپنا پسندیدہ گلوکار بھی قرار دے دیا۔

باغی ٹی وی :سونو نگم نے گزشتہ روز سماجی رابطے کی ویب سائٹ انسٹاگرام پر سجاد علی کے ساتھ لی گئیں چند یاد گار تصاویر شیئر کیں اور کیپشن میں ان تصاویر کے بارے میں بتاتے ہوئے کہا کہ یہ تصاویر گزشتہ برس 19 مارچ کو لی گئی تھیں جب عدیل فاروق ہمیں عاطف علی کے اسٹوڈیو کا جائزہ لینے اور پہلا لائیو ڈیجیٹل کنسرٹ دیکھنے کے لیے لے کر کئے تھے جو بالآخر ہم نے 22 مارچ کو کیا تو اتفاق سے وہاں سب سے زیادہ قابل احترام گلوکارو موسیقار اور میرے سب سے زیادہ پسندیدہ سجاد علی بھائی بھی اپنے بیٹے کے ہمراہ موجود تھے۔
https://www.instagram.com/p/CFd_vl_BRLM/
سونو نگم نے سجاد علی کی تعریف کرتے ہوئے کہا کہ یہ ان کا پیار تھا کہ انہوں نے میرے آنے تک انتظار کیا تاکہ ہم زندگی میں پہلی بار ملاقات کرسکیں اور پھر ہم نے ڈیڑھ گھنٹہ بات چیت کی ہم لوگوں نے وہاں ڈیڑھ گھنٹے تک باتیں کیں۔میں اس شام کی چند یادگار تصاویر آپ لوگوں کے ساتھ شیئر کررہاہوں۔

سونو نگم نے سجاد علی کا گانا ’کٹنا نئیں‘ کو ان کا اور ان کے گھروالوں کا پسندیدہ گانا قرار دیتے ہوئے کہا کہ اس گانے کو ان کی باصلاحیت بہن تیشا نگم نے بھی گایا تھا۔ لیکن اس سے پہلے میں نے سجاد بھائی سے اس گانے کو اپنے انداز میں گانے کی اجازت لی تھی اور انہوں نے نہ صرف اجازت دے دی تھی بلکہ معاوضہ بھی نہیں لیا تھا۔ اسے حقیقی احسان کہتے ہیں۔

واضح رہے کہ کچھ روز قبل بھی سونو نگم نے ایک ویڈیو شیئر کی تھی جس میں وہ پاکستان کی ننھی گلوکارہ ہادیہ ہاشمی کا گانا سن کر رو پڑے تھے گلوکارہ ہادیہ کی آواز میں کلام ’بول ہو‘ کو شیئر کرتے ہوئے تعریف کی تھی کہا تھا کہ بہت دنوں بعد کسی آواز نے میرے دل کو چھوا ہے۔

پاکستان کی ننھی گلوکارہ ہادیہ ہاشمی کا بھارتی گلوکار سونو نگم سے رابطہ

سونو نگم پاکستان کی ننھی گلوکارہ ہادیہ ہاشمی کا کلام سن کر رو پڑے

"آپ جیسا کوئی میری زندگی میں آئے تو بات بن جائے”

Leave a reply