سفارتی محاذ پر بڑی کامیابی، سلامتی کونسل نے کیا مقبوضہ کشمیر کی صورتحال پر ہنگامی اجلاس طلب

بھارت کی طرف سے آرٹیکل 370 ختم کئے جانے کے بعد پاکستان کی طرف سے جو اقدامات اٹھائے جارہے ہیں اس کے نتیجہ میں سفارتی سطح پر اسے بڑی کامیابی حاصل ہوئی ہے اور اقوام متحدہ کی سلامتی کونسل نے کل مقبوضہ کشمیر کی صورتحال سے متعلق اہم اجلاس طلب کر لیا ہے،

باغی ٹی وی کی رپورٹ کے مطابق 50 سال میں پہلی بار جموں کشمیر کا مسئلہ سلامتی کونسل کے ایجنڈے پر آیا ہے، کل صبح‌ یہ اجلاس دس بجے شروع ہو گا، جموں‌ کشمیر کی تازہ صورتحال سے متعلق یہ اجلاس پاکستانی وزیر خارجہ شاہ محمود قریشی کی جانب سے سلامتی کونسل کو لکھے گئے تحریری خط کے بعد طلب کیا گیا ہے،

پاکستان کی طرف سے اقوام متحدہ کو لکھے گئے خط میں مطالبہ کیا گیا تھا کہ سلامتی کونسل کا خصوصی اجلاس بلایا جائے، کشمیر پر 50 سال میں سلامتی کونسل کا پہلا اجلاس ہوگا، بین الاقوامی سطح پر کل ہونے والے اس اجلاس کو انتہائی اہمیت کی نگاہ سے دیکھا جارہا ہے،

واضح رہے کہ گزشتہ روز او آئی سی نے بھی مقبوضہ کشمیر کی صورتحال پر سخت اظہار تشویش کرتے ہوئے عالمی برادری سے نوٹس لینے کا مطالبہ کیا تھا،

جواب چھوڑیں

آپ کا ای میل ایڈریس شائع نہیں کیا جائے گا.