سلمان خان کا مدر ٹریسا کو شاندار خراج تحسین

ممبئی: بالی ووڈ سُراسٹار سلمان خان نے خواتین کے عالمی دن کے موقع پر مدر ٹریسا کو شاندار خراج تحسین پیش کیا۔

باغی ٹی وی : بھارتی میڈیا کے مطابق گزشتہ روز عالمی یوم خواتین کے موقع پر سلو میاں نے اپنے سوشل میڈیا اکاؤنٹ پر اپنے آرٹ ورک کی کچھ جھلکیاں شیئر کیں۔

جس میں سلمان خان ویڈیو میں مدر ٹریسا کی پینٹنگ بناتے ہوئے نظر آرہے ہیں اور اس پینٹنگ کے ذریعے انہوں نے مدر ٹریسا کو خراج تحسین پیش کیا ہے۔

خواتین کا عالمی دن،شاہد آفریدی نے اہلیہ اور بیٹیوں کے ہمراہ فوٹو شئیرکر دی

بھارتی میڈیا کے مطابق سلمان خان اپنے فن کا مظاہرہ بنگلورو میں ’’مدر ہوڈ‘‘ کے نام سے ہونے والے پہلے سولو شو میں کریں گے۔

سلمان خان نے ویڈیو شیئر کرتے ہوئے پیغام دیا آپ جو کرنا چاہتے ہیں کریں لیکن کبھی اپنی ماں کو پریشان نہ کریں۔ خواتین کا عالمی دن مبارک ہو۔

یوم خواتین افغانستان کی خواتین کیلئے اپنے جائز حقوق کا مطالبہ کرنےکا اچھا موقع…

واضح رہے کہ عالمی یوم خواتین ہر سال 8 مارچ کو دنیا بھر میں بیک وقت منایا جاتا ہےعالمی یوم خواتین کا آغاز سوا ایک صدی قبل 1909 سے ہوا تھا، اس دن کو منانے کا آغاز 1908 سے قبل امریکی فیکٹریوں میں کام کرنے والی مزدور خواتین کی جانب سے اپنی تنخواہ مرد حضرات کے برابر کرنے کے لیے کیے گئے احتجاجوں کے بعد ہوا۔

خواتین کے احتجاج کے بعد ہی وویمن نیشنل کمیشن بنایا گیا، جس کے ذریعے خواتین کے حقوق کی تحریک چلائی گئی اور پہلی بار فروری 1909 میں عالمی یوم خواتین منایا گیا لیکن بعد ازاں اس دن کو 8 مارچ کو منانے کا فیصلہ کیا گیا۔

اقوام متحدہ (یو این) نے بھی 1977 میں ہر سال 8 مارچ کو عالمی یوم خواتین منانے کی منظوری دی اور تب سے اس دن کو دنیا بھر میں بڑے پیمانے پر منایا جانے لگا ہے۔

سلمان خان اور سوناکشی سنہا کی شادی کی ایک اور تصویر وائرل