fbpx

سلمان خان کہتے ہیں کام کرتے ہوئے یوں محسوس کرو کہ تم تعطیلات پر ہو لولیا وانتور

رومانیہ سے تعلق رکھنے والی گلوکارہ اور بالی ووڈ سپر اسٹار سلمان خان کی قریبی ساتھی لولیا وانتور نے کہا ہے کہ سلمان خان متاثر کن شخصیت کے حامل اور محنتی انسان ہیں –

باغی ٹی وی : لولیا وانتور جو کئی گزشتہ کئی برسوں سے سلمان خان کے ساتھ منسلک ہیں، انھوں نے سلمان خان کی آئندہ آنے والی فلم رادھے، یور موسٹ وانٹڈ بھائی، کے لیے دو گیت گائے ہیں، جن میں سے ایک بول سیٹی مار ہے۔

ایک بھارتی میڈیا ادارے سے گفتگو کرتے ہوئے انھوں نے سلمان خان کے بارے جیسا کہ انہوں نے دیکھا، بتایا کہ اس قدر سخت محنت کرنے والا کوئی دوسرا انہوں نے نہیں دیکھا وہ نہ تو تعطیلات پر جاتے ہیں اور نہ ہی کام سے کبھی وقفہ (بریک) لیتے ہیں۔

لولیا وانتور نے کہا کہ سلمان خان سمجھتے ہیں کہ زندگی کام کا نام ہے اور وہ کام کرتے ہوئے خوش ہوتے ہیں اور دوسروں سے کہہ رہے ہوتے ہیں کہ کوئی جاب تلاش کرو اور کام کرتے ہوئے یوں محسوس کرو کہ تم تعطیلات پر ہو اور جب وہ کام نہیں کررہے ہوتے ہیں تو پھر وہ اپنے خیراتی اداروں کے ساتھ مصروف ہوجاتے ہیں۔

لولیا وانتور نے کہا کہ سلمان کو دینے والا کہا جاسکتا ہے، وہ خیراتی کام کرکے بہت خوش ہوتے ہیں اور یہ سب کچھ وہ نہایت بے غرضی کے ساتھ کرتے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.