سلمان خان کو ہر کوئی سازشی نظر آتا ہے ہریتھک روشن

بالی ووڈ معروف اداکار ہریتھک روشن نے کہا ہے کہ سلمان خان کو ہر کوئی سازشی نظر آتا ہے۔

باغی ٹی وی : بھارتی میڈیا کے مطابق بالی ووڈ کے معروف اداکار ہریتھک روشن میزبان اور ہدایتکار کرن جوہر کے شو میں جلوہ گر ہوئے جہاں میزبان کرن جوہر نے اداکار سے سوال کیا کہ اگر آپ کو موقع ملے تو آپ سلمان خان کی کون سے عادت کو ختم کردیں گے؟-

جواب میں ہریتھک روشن نے کہا کہ میں جانتا ہوں کہ ہر کوئی سلمان خان کو پسند کرتا ہے مگر اداکار کو ایک ایسی بیماری کا سامنا ہے جس سے انہیں ہر کوئی سازشی لگتا ہے-

ہریتھک روشن نے مزید کہ اگر مجھے موقع ملا تو ان کی یہ بیماری ختم کردوں گا۔

مہمان اداکار سے ایک اور سوال پوچھا گیا کہ اگر وہ سلمان خان کی طرح کامیابی کی بلندیوں پر پہنچ جائیں تو کیا کریں گے؟ –

اس پر ہریتھک روشن نے کہا کہ میں ایک پریس کانفرنس منعقد کر کے سب کے سامنے اعتراف کروں گا کہ ’آئی لوو ہریتھک روشن‘۔

واضح رہے کہ ہریتھک روشن اورسلمان خان کے تعلقات اس وقت بہت اچھے تھے جب فلم ’کہو نا پیار ہے‘ کے لیے سلمان خان نے ہریتھک روشن کو باڈی بلڈنگ کی ٹپس دیں، لیکن بعد ازاں سلمان خان نے سنجے لیلا بھنسالی کے خلاف کچھ بیانات دیئے تو یہ تعلقات خراب ہوگئے اور آج تک ان تعلقات میں سرد مہری دکھائی دیتی ہے۔