سلمان خان نے ایسا کیا کر دیا کہ وزیراعظم بھی تعریف کیے بنا نہ رہ سکے
سلمان خان نے ایسا کیا کر دیا کہ وزیراعظم بھی تعریف کیے بنا نہ رہ سکے
باغی ٹی وی کی رپورٹ کے مطابق وزیراعظم عمران خان نے کہاہے کہ پوری قوم کوسلمان خان کی بہادری پرفخرہے، یہ وہ نوجوان ہے جس نے انتہائی بہادری کا مظاہر ہ کرتے ہوئے کچلاک میں شدید برفباری کے باعث پھنسے 100 سے زائد افراد کو بچایا۔
اپنے ایک ٹویٹ میں وزیر اعظم نے کہا کہ پوری قوم کو سلمان خان کی بہادری پرفخرہے جس نے بغیر کسی غرض کے انتہائی بہادری کا مظاہر ہ کرتے ہوئے برف میں پھنسے افراد کی مدد کی۔ وزیر اعظم نے ٹویٹر پر ایک نجی ٹیلی ویژن چینل کی نیوز رپورٹکا بھی تبادلہ کیا ہے۔
پوری قوم کو سلیمان خان پر فخر ہے جنہوں نے جرات مندی کا مظاہرہ کرتے ہوئے نہایت بے لوث انداز میں برف میں پھنسے ہوئے لوگوں کی مدد کی۔ https://t.co/S6ALeUzhur
— Imran Khan (@ImranKhanPTI) January 18, 2020
رپورٹ میں کہا گیا ہے کہ بلوچستان کے علاقے کچلاک سے تعلق رکھنے والا 30سالہ نوجوان ہیرو بن گیا ہے جس نے گزشتہ ہفتہ جرات کا مظاہرہ کرتے ہوئے برف سے ڈھکی سڑکوں میں پھنسے 100سے زائد لوگوں کی زندگیاں بچائیں۔ خراب موسم کی صورتحال کے باعث سینکڑوں گاڑیاں برف میں غائب ہو گئی تھیں جن میں سوار مرد و خواتین اور بچے اور بزرگ شہری مناسب خوراک اور کپڑوں کی کے بغیر خطرے میں گھر چکے تھے۔ سلمان خان نے نہ صرف ان لوگوں کو اپنے گھر میں قیام و طعام کی پیشکش کی بلکہ انہیں اپنی گاڑی میں سوار کر کے محفوظ مقام پر منتقل کیا۔