سلمان خان نے کورونا کے خطرے کے پیش نظر خود کو آئسولیٹ کرلیا

بالی وڈ سپر اسٹار سلمان خان نے کورونا کے خطرے کے پیش نظر خود کو آئسولیٹ کرلیا۔ ساتھ ہی سلمان خان کے اہلخانہ نے بھی خود کو 14 دنوں کے لئے قرنطینہ کرلیا ہے۔

باغی ٹی وی : ٹائمز آف انڈیا کی رپورٹ کے مطابق سلمان خان کے ڈرائیور اشوک اور گھر میں کام کرنے والے 2 افراد میں کورونا وائرس کی تصدیق ہوگئی ہے جس کے بعد بالی وڈ کے دبنگ خان اور بگ باس 14 کے میزبان نے بھی احتیاطی تدابیر کے تحت خود کو آئسولیٹ کرنے کا فیصلہ کیا ہے اور ان کے کورونا کی رپورٹ کا انتظا ر ہے سلمان خان کے علاوہ ان کے اہلخانہ نے بھی خود کو آئسولیٹ کر دیا ہے

رپورٹس کے مطابق سلمان خان کے ڈرائیور اور دیگر 2 ملازمین کو اسپتال داخل کرا دیا گیا ہے۔

اداکار کے قریبی ذرائع کا کہنا ہے کہ سلمان خان اس بات کو یقینی بنا رہے ہیں کہ ان کے ملازمین کو بہترین علاج اور دیگر طبی سہولیات فراہم ہوں۔

سلمان خان اور نہ ہی ان کے اہلخانہ کے افراد نے ابھی تک اس پر کوئی بیان جاری کیا ہے۔ اطلاعات کے مطابق ، سلمان خان کے والد سلیم خان اور والدہ سلمیٰ اپنی شادی کی 56 ویں سالگرہ 18 نومبر کو منانے والی تھیں لیکن اس غیر یقینی صورتحال کے سبب یہ تقریبات منسوخ کردی گئیں۔

ابھی تک ، بگ باس کی ٹیم کی جانب سے ابھی تک کوئی بیان جاری نہیں کیا گیا ہے کہ سلمان خان کی غیر موجودگی میں ویک اینڈ کا وار اقساط کون منعقد کرے گا۔

واضح رہے کہ سلمان خان ماضی میں کئی بار لوگوں میں کورونا سے بچاؤ کے لئے حفاظتی اقدامات پر عمل کرنے کا پیغام دے چکے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.