fbpx

سلمان خان نے آریان خان کیس کا معاملہ حل ہونے تک شوٹنگ منسوخ کر دی

بالی ووڈ کے دبنگ اداکار سلمان خان نے آریان خان کیس کا معاملہ حل ہونے تک شوٹنگ منسوخ کر دی-

باغی ٹی وی : بھارتی میڈیا کے مطابق بالی ووڈ میں شاہ رخ خان اور سلمان خان کی دوستی کی مثالیں دی جاتی ہیں کنگ خان کا بیٹا آریان خان جب منشیات کیس میں گرفتار ہوا تو اس وقت سلمان، شاہ رخ خان کے گھر پہنچنے والے پہلے شخص تھے۔

سلمان خان ،شاہ رخ خان کے بیٹے آریان خان کے لیے بے حد فکر مند ہیں کہ انہوں نے یہ معاملہ حل ہونے تک اپنی فلم کی شوٹنگ کا شیڈول بھی منسوخ کردیا ہے۔

نارکوٹکس کنٹرول بیورو کی آریان خان کی درخواست ضمانت کی مخالفت

میڈیا رپورٹس کے مطابق سلمان خان اب اپنے دوست شاہ رخ خان کے گھر جا تونہیں رہے لیکن ان کے ساتھ فون پر مسلسل رابطے میں ہیں اور منشیات کیس کی ہر تازہ ترین اپ ڈیٹ کی خبر لے رہے ہیں۔

بھارتی میڈیا کی رپورٹس کے مطابق سلمان خان اور ان کی پوری فیملی آریان خان کے لیے پریشان ہے اور مسلسل شاہ رخ ، آریان اور ان کی پوری فیملی کے لیے دعائیں کررہے ہیں سلمان خان کے والدین، سلیم، سلمیٰ خان اور ان کی دوسری بیوی ہیلن آریان خان کی گھر واپسی کے لیے دعائیں کررہے ہیں۔

آریان خان کیس میں تازہ ترین پیشرفت : این سی بی آفیسرسمیر واکھنڈے مشکل میں پڑ گئے

رپورٹس کےمطابق سلمان خان اپنی فلم ’’ٹائیگر3‘‘ کے ایک اہم سین کی شوٹنگ کرنے والے تھے جس میں شاہ رخ خان کی فلم ’’پٹھان‘‘ کا کردار بھی شامل تھا۔ سلمان خان کے پاس آپشن تھا کہ وہ اپنے حصے کی شوٹنگ کرلیں اور شاہ رخ خان والا سین بعد میں عکس بند کرلیا جاتا لیکن سلمان خان نے سچی دوستی کا ثبوت دیتے ہوئے فلمساز سے کہا کہ فلم کی شوٹنگ ملتوی کردی جائے اور اسی وقت شوٹنگ کی جائے جب شاہ رخ خان سیٹ پر واپس آجائیں۔

ذرائع کے مطابق اس وقت سلمان خان کے لیے آریان خان کا کیس سب سے زیادہ اہم ہے اور وہ صرف ان پراجیکٹس پر ہی کام کررہے ہیں جنہیں آگے نہیں بڑھایا جاسکتا –

آریان خان منشیات کیس:این سی بی تفتیش کاروں کی شاہ رخ خان سے کروڑوں روپے رشوت طلب

Facebook Notice for EU! You need to login to view and post FB Comments!