fbpx

سلمان خان پر تنقید کرنے والے کمال آر خان کی بھارت چھوڑنے کی دھمکی

سلمان خان کی فلم ’رادھے‘ پر منفی تجزیہ کرنے والے اور ان کا فلمی کیرئیر تباہ کرنے واے ناقد کمال آر خان المعروف کے آر کے نے بھارت چھوڑنے کا عندیہ دے دیا۔

باغی ٹی وی : مائیکرو بلاگنگ ویب سائٹ ٹوئٹر پر اپنے پیغام میں کمال آر خان نے کہا کہمیں بہت جلد فلموں پر ریویو دینا چھوڑنے والا ہوں لیکن ایک مرتبہ پھر میں بہت دور آگیا ہوں۔‘

ان کا یہ بھی کہنا تھا کہ میرا خیال ہے کہ میں بہت دور چلا گیا ہوں کیونکہ میری مزید جدوجہد کی ہمت نہیں ہے۔

کمال آر خان کا کہنا تھا کہ ’جس طرح بالی ووڈ کے لوگ مجھے ہراساں کر رہے ہیں، اس وجہ سے شاید میں ایم ایف کی طرح ہمیشہ کے لئے بھارت چھوڑ جاؤں، تاکہ مجھے مزید کیسز کا سامنا نہ کرنا پڑے۔https://twitter.com/kamaalrkhan/status/1401020912598585346?s=20
کےآرکے نے کہا کہ میں نے فلموں کےریویو کرنا چھوڑ دیا تھا تاہم بالی وڈ والوں نے دوبارہ مجبور کیا، مجھے ریویو کرنے سے صرف عدالت کے ذریعے روکا جاسکتا ہے، ایک بار بھارت سے چلاگیا تو پھر کوئی نہیں روک پائے گا اور اگر میں ہندوستان چھوڑوں گا تو مجھے افسوس ہوگا بالی ووڈ کے لوگوں کا تاحیات بھائی چارہ ختم ہو چکا ہو گا-


کمال آر خان نے کہا کہ بہتر ہے مجھے زیادہ پریشان نہ کیا جائے ورنہ میرے پاس بالی وڈ والوں سے متعلق بہت سی ویڈیوز اور تصاویر ہیں جنہیں وائرل کر کے سب کے راز فاش کرسکتا ہوں۔


انہوں نے مزید کہا کہ میرے بھارت سے چلے جانے سے بالی وڈوالے پچھتائیں گے، پھر کسی کا لحاظ نہیں کروں گا پھر میں یہ سب بڑی دھوم دھام سے کروں گا اچھی طرح سے نوٹ کر لینا ، جو میں آج کہہ رہا ہوں-


کے آر کے نے کہا کہ مجھے خود فلموں کا جائزہ لینے میں دلچسپی نہیں ہے لیکن بدقسمتی سے آپ بالی ووڈ والے مجھے یہ کام کرنے پر مجبور کررہے ہیں۔ شکریہ!


کیا میرے ریویو نہ کرنے سے آپ گدھے سے گھوڑا بن جاؤ گے جی نہیں آپ گدھے ہو اور گدھے ہی رہو گے-

خیال رہے کہ فلم ’رادھے‘ کا منفی ریویو کرنے پر اداکار سلمان خان نے کمال آر خان کے خلاف ہتک عزت کا مقدمہ دائر کر رکھاہے تب سے دونوں میں کشیدگی برقرار ہے۔

گلوکار میکا سنگھ بھی سلمان خان کی سپورٹ میں میدان میں ہیں۔ میکا سنگھ نے کمال آر خان کے خلاف گانا ریلیز کرنے کا اعلان کیا تھا جس کا عنوان ’کےآرکے کتا‘ ہے۔ اس کے بعد گلوکار اور فلمی ناقد کے درمیان سخت جملوں کا تبادلہ ہوا۔ میکا سنگھ نے کےآرکے کو ’گدھا ‘ اور ’چوہا‘ کہا جب کہ فلمی ناقد نے جواب میں میکا سنگھ کو ’احمق گلوکار‘ کہہ ڈالا۔

کمال آر خان نے سلمان خان کو کیا دھمکی دی؟

سلمان خان کی فلم پر منفی تجزیہ: میکا سنگھ کا کمال آر خان کیخلاف گیت بنانے کا فیصلہ

جواب چھوڑیں

آپ کا ای میل ایڈریس شائع نہیں کیا جائے گا.