ممبئی: بالی وڈ سُپراسٹار سلمان خان کے والد اور مصنف ،اداکار سلیم خان نے انکشاف کیا ہے کہ تینوں بیٹوں کو مجھ سے ڈانٹ پڑی لیکن سلمان خان نے بڑا ہونے کے باوجود مجھ سے سب سے زیادہ ڈانٹ سنی۔
باغی ٹی وی : حال ہی میں بھارتی میڈیا کو دیئے گئے ایک انٹرویو میں سلیم خان نے اپنے والد سے تعلق پر بات کرتے ہوئے کہا کہمیرے والد بے حد سخت انسان تھے، میں ان سے بہت گھبراتاتھا، ان کے چمڑے کے جوتے کی آواز سن کر بھی خوفزدہ ہوجاتا تھا لیکن میں چاہتا تھا کہ میرے بچے میرے دوست بنیں-
اگرچہ سلمان خان سلیم خان کے ایک فرمانبردار بیٹے کے طور پر جانا جاتا ہے لیکن سلیم خان نے ناراضگی میں سلمان خان سے مہینوں بات نہ کرنے کا انکشاف کیا ہے انہوں نے کہا کہ ایک ایسا وقت بھی آیا جب ہم نے تقریباً 6 ماہ تک ایک دوسرے سے بات نہیں کی، اگر سلمان کبھی کوئی غلط کام کرے یا پھر کوئی ایسا کام کرے جو مجھے اچھا نہ لگے تو میں اس سے بات نہیں کرتا، میں ناراض ہوکر کھڑکی کے پاس بیٹھ جاتا ہوں اور مجھ سے ملے بغیر گھر سے چپکے سے چلا جاتا ہے، بعد میں آکر مجھے سوری کرکے منالیتا ہے‘۔
میرے ورثا کو میری جائیداد سے 1 فیصد سے بھی کم حصہ ملے گا، بل گیٹس
واضح رہے کہ سلیم خان اور سلمیٰ خان کے تین بیٹے سلمان خان، سہیل خان اور ارباز خان ہیں،جبکہ ایک بیٹی الویرا خان اگنی ہوتری اورایک گود لی ہوئی بیٹی ارپیتا خان ہے-
