سلمان خان ٹائیگر سیریز کے تیسرے سیکوئیل کی شوٹنگ ترکی میں کریں گے

بالی وڈ سلطان سلمان خان نے ٹائیگر سیریز کے تیسرے سیکوئیل کیلئے شوٹنگ کا آغاز آغاز مارچ میں کیا جائے گا۔ یہ فلم بھارت کے علاوہ یورپی ممالک میں بھی شوٹ کی جائے گی۔

باغی ٹی وی : بھارتی میڈیا رپورٹس کے مطابق ’ٹائیگر زندہ ہے‘ کی زیادہ تر شوٹنگ متحدہ عرب امارات میں کی گئی تھی اور تیسرے سیکوئل کی شوٹنگ بھی دبئی میں کرنے کا فیصلہ کیا گیا تھا تاہم کورونا وائرس کے باعث وہاں فوراً شوٹنگ کا آغاز کرنا ممکن نہیں اس لیے فلم میکرز نے ’ٹائیگر تھری‘ کی ابتدائی شوٹنگ ترکی میں کرنے کا فیصلہ کیا ہے۔

یش راج فلمز کے بینر تلے بننے والی سلمان خان کی کامیاب ترین فلم ٹائیگر کے تیسرے سیکوئل میں دبنگ خان نے بھارتی خفیہ ایجنسی را کے ایجنٹ کا کردار ادا کیا تھا اور ان کے ساتھ کترینہ کیف نے پاکستانی خفیہ ایجنٹ کا کردار ادا کیا تھا جو بعد ازاں سلمان خان کی بیوی بن جاتی ہیں۔

تاہم اب بھی کترینہ کیف ہی سلمان خان کے ہمراہ مرکزی کردار نبھائیں گی تاہم فلم میکرز ولن کیلیے کسی نئے چہرے کی تلاش میں ہیں جیسے ’ٹائیگر زندہ ہے‘ میں ایرانی اداکار سجاد دل افروز نے ابو عثمان کا کردار ادا کیا تھا۔

بھارتی میڈیا رپورٹس کے مطابق سلمان خان اور کترینہ کیف کے کچھ سینز مارچ میں ممبئی کے اسٹوڈیو میں شوٹ کئے جائیں گے۔ یہ شوٹنگ ایک ماہ تک جاری رہے گی۔

اپریل میں فلم کی شوٹنگ روک دی جائے گی کیونکہ سلمان خان اپنی فلم ’رادھے‘ کی پروموشن کریں گے جو اسی سال عید پر ریلیز ہوگی۔ جبکہ کترینہ کیف بھی اپنی دوسری فلم کی شوٹنگ شروع کرائیں گی۔

جون میں فلم ’ٹائیگر3‘ کی ٹیم 40 سے 45 دنوں کے لئے یورپ جائے گی جہاں اس فلم کا مرکزی اور زیادہ تر حصہ شوٹ کیا جائے گا۔

رپورٹس کے مطابق فلم کی شوٹنگ ستمبر میں مکمل کرلی جائے گی۔ ایکشن سے بھرپور اس فلم کا بجٹ350 کروڑ رکھا گیا ہے۔

ابتدائی طور پر فلم کو اسی سال دسمبر میں ریلیز کرنے کی اطلاعات تھیں لیکن اس سال بالی وڈ کی کئی بڑی فلموں کے ریلیز ہونے کی وجہ سے اب ’ٹائیگر3‘ کو اگلے سال عید پر ریلیز کیا جائے گا۔

واضح رہے کہ سلمان خان اور کترینہ نے2012 میں فلم ’ایک تھا ٹائیگر‘ میں ساتھ کام کیا تھا۔ جس کے 5سال بعد اس فلم کا دوسرا حصہ ’ٹائیگر زندہ ہے‘ میں بھی انہیں دونوں اداکاروں نے مرکزی کردار ادا کیا تھا۔

خیال رہے کہ سلمان خان ان دنوں ایکشن کامیڈی فلم ’انتم‘ کی شوٹنگ میں مصروف ہیں جس میں وہ سکھ آفیسر کا کردار ادا کررہے ہیں جب کہ کترینہ کیف ’فون بھوت‘ کی شوٹنگ میں مصروف ہیں۔

‘صنم تیری قسم’ فلم میں ہندو تیلگو لڑکی کے کردار کے لیے ماوراحسین کو…

تحفظ کے لئے سلمان خان سے شادی کرنا چاہتی تھی، پاکستانی نژاد سابق بالی وڈ اداکارہ…

سلمان خان کا دوست کو شادی کی سالگرہ کی مبارکباد دینے کا منفرد انداز

سلمان خان راکھی ساونت پر برہم، شو سے نکل جانے کا کہہ دیا

تحفظ کے لئے سلمان خان سے شادی کرنا چاہتی تھی، پاکستانی نژاد سابق بالی وڈ اداکارہ سومی علی

جواب چھوڑیں

آپ کا ای میل ایڈریس شائع نہیں کیا جائے گا.