سلمان شہباز کے وارنٹ گرفتاری جاری

0
88

لاہور: عدالت نے وزیر اعظم شہباز شریف کے بیٹے سلمان شہباز کے وارنٹ گرفتاری جاری کر دیئے۔

باغی ٹی وی : لاہور کی اسپیشل سینٹرل کورٹ نے سلمان شہباز کے وارنٹ گرفتاری جاری کیے جبکہ ملزم طاہر نقوی اور ملک مقصود کے بھی وارنٹ گرفتاری جاری کیے گئے ہیں۔

شہباز شریف،حمزہ شہباز سمیت دیگر ملزمان پر آج بھی فرد جرم عائد نہ ہو سکی اسپیشل سینٹرل کورٹ نے شہباز شریف اور حمزہ شہباز کی عبوری ضمانت میں 28 مئی تک توسیع کر دی۔

واضح رہے کہ آج لاہور کی اسپیشل کورٹ سینٹرل میں ایف آئی اے پراسیکیوٹر کا کہنا تھا کہ ایف آئی اے منی لانڈرنگ مقدمہ میں جو ملزمان اشتہاری ہیں ان کے خلاف کارروائی مکمل کریں اگر اس کیس کو ایسے ہی لے کر چلیں گے تو آگے جا کر ملزمان کو فائدہ ہوسکتا ہے-

جج نے کہا تھا کہ یعنی آپ کہہ رہے ہیں گزشتہ پراسیکیوشن نے چار ماہ ملزمان کو فائدہ دے دیا آپ کو دو مرتبہ بلایا گیا لیکن آپ پیش نہ ہوئے، آپ کو شوکاز دیتا ہوں میں آئندہ ایسا کچھ نہیں ہونے دونگا عدالت نے حکم دیا کہ جس اہلکار نے میرے گن مین کا گریبان پکڑا اس بلائیں-

سماعت کے دوران وزیراعظم شہباز شریف کے وکیل امجد پرویز نے دلائل دیتے ہوئے کہا تھا کہ عدالت نے چالان میں تاحال اشتہاری ملزموں کو ضابطے کی کارروائی کے بعد اشتہاری نہیں کیا اس پرجج نے کہا کہ اشتہاری قرار دینے کا آرڈر جاری کر رکھا ہے۔

عدالت نے سلمان شہباز سمیت دیگر کو اشتہاری قرار دینے کی درخواست پر فیصلہ محفوظ کرلیا تھا-

Leave a reply