سام کیر سالانہ ملین ڈالر سے زائد کمانے والی پہلی آسٹریلین ویمن فٹبالر بن گئ

آسٹریلین سام کیر 16 سال کی عمر میں انٹرنیشنل ڈیبیو کرنے والی معروف ویمنز فٹبالر ہیں جو شہرت کی بلندیوں پر ہیں اور فرانس میں جاری ورلڈ کپ میں ملک کی نمائندگی کررہی ہیں۔

باغی ٹی وی کی رپورٹ کے مطابق سالانہ ملین ڈالر سے زائد آمدنی پانے والی سام کیر پہلی آسٹریلین خاتون فٹبالر ہیں، سام کیر کو یوایس نیشنل ویمنز سوکر لیگ کی آل ٹائم اسکورر کا اعزاز بھی حاصل ہے، وہ فیفا پلیئر آف دی ایئر ایوارڈ کے لۓ بھی دو دفعہ شارٹ لسٹ ہوچکی ہیں۔

کیر نے اپنے کیریئر کا پہلا ورلڈ کپ 2011 میں کھیلا، اٹلی سے ہارنے والی آسٹریلوی ٹیم کا واحد گول بھی ان کے نام رہا تھا۔ رواں برس معروف اسپورٹس برانڈ بنانے والی کمپنی نے کرسٹیانو رونالڈو اور کیلیان میباپے کے ساتھ کیر کو بھی اپنی مصنوعات کی تشہیر کے لۓ مدعو کیا تھا.

کیر کے والد کا تعلق بھارت سے ہے جبکہ والدہ کا آسٹریلیا سے ہے، انھوں نے بارہ برس کی عمر میں فٹبال میں دلچسپی لینا شروع کی تھی اور سولہ برس کی عمر میں 2009 میں اٹلی کےخلاف میچ میں انہیں آسٹریلیا کی جانب سے بطور متبادل پلیئر ڈیبیو کا موقع ملا تھا، وہ اب تک آسٹریلیا کےلۓ 78 میچز میں 32 گول کر چکی ہیں۔

جواب چھوڑیں

آپ کا ای میل ایڈریس شائع نہیں کیا جائے گا.