سیشن کورٹ میں گلوکارہ میشا شفیع کے خلاف ہتک عزت کے دعوی پر سماعت ہوئی
عدالت میں میشا شفیع کے گواہ عفت عمر پر جرح شروع ہو گئی،علی ظفر کے وکیل نے سوال کیا کہ آپ نے کبھی ڈاکٹر سے ذہنی توازن اپنا چیک کروایا ہے ۔عفت عمر نے جواب دیا کہ میں نے ذہنی توازن چیک کروایا ہے وہ ٹھیک ہے ۔علی ظفر کے وکیل نے سوال کیا کہ جب آپ نے ذہنی توازن چیک کروایا تو کوئی ڈاکٹر نے میڈیسن دی تھی ۔جس پر عفت عمر نے کہا کہ جی مجھے ڈاکٹر نے بلڈ پریشر اور ڈپریشن کی دوائی دی
علی ظفر کے وکیل نے سوال کیا کہ آپکو انڈسٹری میں گالیاں کس نے دی ہیں جس پر عفت عمر نے کہا کہ جی مجھے گالیاں ملی ہیں انڈسٹری سے۔ علی ظفر کے وکیل نے سوال کیا کہ کوئی واقعہ یاد ہو جس میں سوسائٹی نے آپکو برا بھلا کہا ہو ۔،عفت عمر نے کہا کہ ایک چینل نے میرے خلاف جھوٹا پروپیگینڈا کیا تھا ۔جس میں کہا گیا کہ مین نے شوہر سے طلاق لے رہی ہوں کیونکہ میں اپنی بیٹی کی بہتر دیکھ بھال نہیں کرتی۔
علی ظفر کے خلاف میشا شفیع کی گواہ عفت عمر کے بیان پر جرح جاری ہے،علی ظفر کے وکیل نے سوال کیا کہ آپکے گھر دعوت میں میشا شفیع ہنس رہی تھی یا رو رہی تھی،عفت عمر نے جواب دیا کہ میرے سامنے وہ شدید پریشان تھیں۔
علی ظفر کے وکیل نے عفت عمر کے گھر کھانے کی تصویر عدالت میں پیش کردی اور وکیل نے سوال کیا کہ آپ کے گھر کھانے کی تصویر میں میشا شفیع خوش کھڑی ہیں۔ عفت عمر کا کہنا تھا کہ وہ سب کے سامنے خوش ہی کھڑی ہیں لیکن میرے سامنے وہ پریشان تھی ۔
دوران سماعت علی ظفر اور میشا شفیع کے وکلاء کے درمیان تلخ کلامی ہوئی،علی ظفر کے وکیل نے اعتراض کیا کہ میشا شفیع کے وکیل گواہ کو بتا رہے ہیں یہ غلط ہو رہا ہے ۔
علی ظفر میشا شفیع کیس: عفت عمرکو جرح کے دوران ایک بار پھر چکر آ گئے
تاہم علی ظفر کے وکیل کے تندو تیز جرح پر عفت عمر گھبرا گئیں جس سے ان کی طبیعت بگڑ گئی اور انہیں چکر آ گئے ہیں،عفت عمر نے عدالت میں کہا کہ کچھ دیر کے لیے سماعت ملتوی کردیں میں کٹہرے میں کھڑی تھک گئی ہوں جس پر فاضل جج نے کہا کہ ہم آپ کو کرسی فراہم کردیتے ہیں بیٹھ کر جواب دیں،عفت عمر نے کہا کہ برائے مہربانی مجھے کچھ وقفہ دیں ،جج نے سماعت کچھ دیر کےلیے ملتوی کردی-
علی ظفر ،میشا شفیع ہراسگی، سماعت کے بعد گواہ عفت عمر میڈیا سے "بھاگ"گئیں@itsmeeshashafi @OmarIffat @AliZafarsays @nighatdad @marvisirmed #AUSvIND #PakistanisWithPMImranKhan #Kholi https://t.co/b8x8j5p4gs pic.twitter.com/Ol16fy9s9f
— Baaghi TV باغی ٹی وی (@BaaghiTV) December 19, 2020
کیس کی سماعت کے بعد باغی ٹی وی کے رپورٹر فیض چغتائی نے عدالت میں کی گئی جرح اور علی ظفر کے وکیل کی جانب سے پوچھے گئے سوالات پر اداکارہ کا موقف پوچھنا چاہا تو عفت عمر نے بات کرنے سے انکار کر دیا اور یہ کہتے ہوئے چلی گئیں کہ آپ سے تو میں نے بات ہی نہیں کرنی-