ثناء فخر اور نیلم منیر پہلی بار ٹی وی اسکرین پر ایک ساتھ جلوہ گر ہوں گی

پاکستان شوبز انڈسٹری کی معروف اداکارہ ثناء فخر اور نیلم منیر نئے پراجیکٹ ’قیامت‘ میں ایک ساتھ ٹی وی اسکرین پر جلوہ گر ہوں گی۔

باغی ٹی وی :تفصیلات کے مطابق ثناء خان اور نیلم منیر ٹی وی اسکرین پر ایک ساتھ پہلی مرتبہ سیونتھ اسکائی کے ڈرامے ’قیامت ‘میں اداکار احسن خان کے ساتھ جلوہ گر ہوں گی اس سے قبل دونوں اداکارائیں ہدایت کار یاسر نواز کی سپر ہٹ فلم رانگ نمبر 2 میں اداکاری کے جوہر دکھا چُکی ہیں-

فلم اسٹار ثناء کا کہنا ہے کہ رانگ نمبر 2 کے بعد ایک مرتبہ پھر نیلم منیر کے ساتھ اسکرین شئیر کرکے اچھا لگا قیامت کے ڈائریکٹر علی فیضان ہیں اور اس کے پروڈیوسر عبداللہ کادوانی ہیں۔

ثناء کا کہنا ہے کہ میرا اور نیلم کا کردار بہت دلچسپ ہے امید ہے ہم ناظرین کے دل جیت لیں گے-

ثناء نے بتایا کہ فلم کی طرح ڈراموں میں کام کرکے بہت انجوائے کررہی ہوں میں نے پاکستان فلم انڈسٹری میں طویل وقت گزارا ہے میں امید کرتی ہوں ایک پھر فلم انڈسٹری کو عروج ملے اور سنیما گھروں کی رونقیں بحال ہوں۔

جواب چھوڑیں

آپ کا ای میل ایڈریس شائع نہیں کیا جائے گا.