بالی وڈ کی سابقہ اداکارہ ثنا خان کے لیے شوہر مفتی انس سید کا محبت بھرا پیغام

اسلام کی خاطر شوبز کو خیرباد کہنے والی سابقہ بالی وڈ اداکارہ ثنا خان کے شوہر انس سید نے اپنی اہلیہ کے لیے سوشل میڈیا پر پیغام جاری کیا ہے۔

باغی ٹی وی : حال ہی میں ثنا خان نے سوشل میڈیا پر اپنی شادی کی مہندی کی تصاویر شیئر کیں جن میں وہ انتہائی حسین دکھائی دے رہی ہیں۔ ثنا خان نے انسٹاگرام پر اپنی شادی کی تصویر شیئر کرتے ہوئے کیپشن میں لکھا ہے کہ ہم اللہ تعالیٰ کی رضا کی خاطر ایک دوسرے سے محبت کرتے تھے اور اللہ کی رضا کے لیے ہی ہم نے ایک دوسرے سے شادی کی ہے۔

اُنہوں نے لکھا کہ میری دُعا ہے کہ اللہ تعالیٰ ہمیں اس دنیا میں بھی متحد رکھے اور اگلے جہاں میں بھی ساتھ ہی رکھے۔

آخر میں اُنہوں نے قرآن پاک کی سورۃ رحمنٰ کی آیت کا ترجمہ بھی لکھا کہ اور تُم اپنے رب کی کون کون سی نعمتوں کو جھٹلاؤ گے؟

اسلام کی خاطر شوبز چھوڑنے والی بھارتی اداکارہ ثنا خان شادی کے بندھن میں بندھ گئیں

بعد ازاں ان کے شوہر نے بھی انسٹاگرام پر اپنی اہلیہ کے لیے پیغام جاری کیا۔

انسٹاگرام پر اپنے نکاح کی تصویر شیئر کرتے ہوئے انس سید نے اہلیہ ثنا خان کو ان کی زندگی کو سنوارنے پر ان کا شکریہ ادا کیا۔

انھوں نے قرآنی آیت اور تم اپنے رب کی کون کون سی نعمتوں کو جھٹلاؤ گے کے ساتھ اپنا جملہ شروع کیا اور لکھا کہ میری زندگی میں آنے اور میرے سفر کو مزید خوبصورت بنانے کے لیے آپ کا شکریہ۔

انس سید نے امید کا اظہار کیا کہ وہ ثنا خان کے ساتھ ہمیشہ پرمسرت اور سکون کی زندگی گزاریں گے جبکہ آخر میں انھوں نے اپنے آپ کو مخاطب کرتے ہوئے ’صرف تمھارا‘ بھی لکھا۔

واضح رہے کہ بگ باس سیزن 6 سے شہرت پانے والی بالی ووڈ کی سابقہ اداکارہ ثناء خان نے گزشتہ ماہ اسلام کی خاطر شوبز انڈسٹری چھوڑنے کا اعلان کرتے ہوئے کہا تھا کہ اب وہ اپنی زندگی انسانیت کی خدمت میں اور اللہ تعالیٰ کے احکامات کے مطابق گُزاریں گی۔

چند روز قبل سابقہ اداکارہ نے اعلان کیا کہ انھوں نے ریاست گجرات سے تعلق رکھنے والے مفتی انس سید نامی شخص سے شادی کرلی ہے۔

بالی وڈ کی سابقہ اداکارہ ثناخان نے انسٹاگرام پر اپنا نام تبدیل کر لیا

جواب چھوڑیں

آپ کا ای میل ایڈریس شائع نہیں کیا جائے گا.