صنم سعید اور محب مرزا نے شادی کر لی؟سوشل میڈٰیا پر افواہیں

اداکارہ صنم سعید اور محب مرزا کی دبئی میں کھچوائی گئی تصاویر وائرل ہونے کے بعد ان کی شادی کی افواہیں پھیل رہی ہیں۔

باغی ٹی وی :سماجی رابطوں کی ویب سائٹس پر اداکارہ صنم سعید اور محب مرزا کی ایک ساتھ رومانوی انداز میں تصاویر وائرل ہونے کے بعد چہ مگوئیاں کی جا رہی ہیں کہ دونوں نے خفیہ طور پر شادی کرلی اور اب صرف اعلان باقی ہے۔

عامر لیاقت "پاکستانی بگ باس” طرز کا شو کرنے کو تیار

’گلیکسی لولی وڈ‘ نامی شوبز انسٹاگرام پیج پر محب مرزا اور صنم سعید کی تصویر شیئر کی گئی تو لوگوں نے کمنٹس پر دونوں کی شادی ہوجانے کے دعوے کیے صارفین نے کہا کہ دونوں نے خفیہ طور پر کافی عرصہ قبل ہی شادی کرلی تھی اور دونوں کافی وقت سے ایک ساتھ بھی رہ رہے ہیں، بس اب شادی کا اعلان کرنا باقی ہے، وہ دونوں کو متعدد بار ایک ساتھ دیکھ چکےہیں اور وہ صرف دوست نہیں بلکہ ان کے تعلقات دوستی سے آگے والے ہیں۔

شعیب ملک اور ثانیہ مرزا اردو فلکس کے لیے ٹاک شو کرنے کو تیار

فوٹو:انسٹاگرام سکرین شاٹ
ان کی تصاویر وائرل ہونے پر جہاں لوگوں نے ان کی شادی کا دعویٰ کیا، وہیں کئی لوگوں نے صنم سعید کو محب مرزا کی پہلی طلاق کا سبب بھی قرار دیا اور الزام عائد کیا کہ ان سے تعلقات کی وجہ سے ہی آمنہ شیخ نے محب سے طلاق لی۔

فوٹو:انسٹاگرام سکرین شاٹس
دوسری جانب محب مرزا اور صنم سعید کی وائرل تصاویر کے حوالے سے عرب نیوز ’گلف نیوز‘ نے بتایا کہ دونوں فواد خان کی سالگرہ پارٹی میں شرکت کے لیے دبئی پہنچے تھے، جن کے ہمراہ دیگر اہم شوبز شخصیات بھی ساتھ تھیں۔

فوٹو:انسٹاگرام سکرین شاٹ
تصاویر وائرل ہونے اور خود پر تنقید کے حوالے سے فوری طور پر محب مرزا اور صنم سعید نے کوئی وضاحت نہیں کی، نہ ہی انہوں نے تصاویر اپنے سوشل میڈیا اکاؤنٹس پر شیئر کیں۔

اس سے قبل بھی دونوں کی شادی کی افواہیں جون 2021 میں اس وقت پھیلی تھیں جب گلیکسی لولی وڈ نامی شوبز یوٹیوب چینل کے ایک شو ’واٹس دی 411‘ کے میزبانوں نے دونوں کے درمیان تعلقات کی افواہیں پھیلائی تھیں۔

سلمان خان کی سندھ کے ثقافتی لباس میں تصاویر سوشل میڈیا پر وائرل

فوٹو:انسٹاگرام سکرین شاٹ
دونوں نے پہلےبھی اپنی شادی کی افواہوں پر کوئی وضاحت نہیں کی تھی، دونوں اداکار طلاق یافتہ ہیں جب کہ دونوں نے متعدد مرتبہ ایک ساتھ ڈراموں اور فلموں میں کام بھی کیا ہے اور دونوں کے درمیان اچھے تعلقات رہے ہیں۔

"بگ باس”سیزن 15 مسائل کا شکار، قبل از وقت اختتام کا خطرہ

محب مرزا نے پہلی شادی اداکارہ و ماڈل آمنہ شیخ سے 2005 میں کی تھی اور ان کے ہاں 2015 میں پہلی بچی کی پیدائش ہوئی تھی اور دونوں کے درمیان 2019 میں طلاق ہوگئی تھی جبکہ صنم سعید نے بھی 2015 میں خاندان کی مرضی سے محبت کی شادی کی تھی، جس کے بعد وہ دبئی منتقل ہوگئی تھیں مگر جلد ہی ان کی طلاق ہوگئی اور اداکارہ نے 2018 میں اس کی تصدیق کی تھی۔