ثانیہ مرزا کا وزن 26 کلوگرام کیسے کم ہوا ؟ جانیئے اس خبر میں‌

ممبئی: پاکستانی کرکٹر شعیب ملک کی اہلیہ اپنا وزن کم کرنے میں‌کامیاب ہوگئی . اطلاعات کے مطابق بھارتی ٹینس پلیئر ثانیہ مرزا روزانہ 4گھنٹے ٹریننگ کرتی اور 26کلو تک وزن کم کرچکی ہیں۔بھارتی ٹینس پلیئر ثانیہ مرزا آئندہ برس جنوری سے ایک بار پھر ٹینس کورٹ میں اترنے کو تیار ہیں

ورلڈ ٹینس پلیئر ثانیہ مرزا نے اپنی کامیابیوں کے حوالے سے بتایا کہ وہ اپنے کیریئر میں پہلے ہی سب کچھ حاصل کرچکیں، اب دوسری اننگز میں کچھ ثابت نہیں کرنا چاہتی ہیں، اس دوران وہ جو بھی کامیابیاں حاصل کریں گی وہ ان کیلئے بونس ہوگا۔

ثانیہ مرزا نے اپنے بیٹے اذہان سے متعلق گفتگو کرتے ہوئے کہا کہ بیٹا اذہان کھیل میں واپسی کیلئے میری بڑی تحریک ہے، میں صرف اس لیے کورٹ میں واپس آنا چاہتی ہوں کیونکہ مجھے کھیل سے پیار ہے۔ انہوں نے ٹوکیو اولمپکس میں حصہ لینے کو بھی اپنا مقصد قرار دیا۔