fbpx

ثانیہ مرزا کی تصویر مذاق کا نشانہ بن گئی ، بھارتیوں کے اس طرز عمل پر بھارتیوں کی تنقید

ممبئی:بھارتیوں کو کیا ہوگیا کہ وہ ہر مسلمان کے خلاف کسی نہ کسی انداز سے اپنی نفرت کا اظہار کرتے ہیں. ایسا ہی ایک تازہ واقعہ بھارت کی ریاست آندھرا پردیش میں پیش آیا جہاں ٹینس سٹار ثانیہ مرزا کا نام تبدیل کرکے پی ٹی اوشا کردیا گیا۔

ذرائع کے مطابق نیشنل اسپورٹس ڈے کے حوالے سے آندھرا پردیش کی پورٹ سٹی وشاکا پٹنم میں جا بجا بھارتی کھلاڑیوں کے پوسٹر آویزاں کیے گئے ہیں۔ رپورٹ کے مطابق ایسا ہی ایک پوسٹر سب میرین میوزیم پر لگا یا گیا جس میں ثانیہ مرزا کی تصویر لگائی گئی ہے تاہم اس کے نیچے نام پی ٹی اوشا لکھا گیا ہے۔

اس فاش غلطی پر بھارتی شہری انہیں آڑے ہاتھوں لے رہے ہیں۔سماجی رابطوں کی ویب سائٹ پر صارفین شہری انتظامیہ کا خوب مذاق اڑا نے لگے ۔ایک صارف نے لکھا کہ میں اتنے برسوں سے انہیں ثانیہ مرزا سمجھتا رہا ہوں۔ایک خاتون صارف نے لکھا کہ آندھرا پردیش میں ثانیہ مرزا کو پی ٹی اوشا کہا جارہا ہے، حکومت ایسی غفلت بھی کرسکتی ہے؟۔