fbpx

سنجے دت ایشوریا رائے کے بالی ووڈ میں کام کرنے کے کیوں خلاف تھے، دلچسپ وجہ سامنے آ گئی

بالی ووڈ اداکار سنجے دت ماضی میں اداکارہ ایشوریا رائے کے بالی ووڈ میں کام کرنے کے خلاف تھے –

باغی ٹی وی : بھارتی میڈیا کے مطابق معروف اداکار سنجے دت کے تنازعات اور تین سو آٹھ گرل فرینڈ سے خفیہ ملاقاتوں کے بارے میں تو ہر کوئی بخوبی جانتا ہے لیکن سنجے دت ایشوریہ رائے کے بالی ووڈ میں کام کرنے کے کیوں خلاف تھے یہ بہت کم لوگ ہی جانتے ہوں گے-

ہوا کچھ یوں کہ ماضی میں جب ایک فلمی جریدے نے سنجے دت اور ایشوریا رائے کی تصاویر اپنے کور پیج پر شائع کی تو سنجے دت کو اداکارہ کی خوبصورتی نے کافی متاثر کیا۔ ایشوریا رائے کو پہلی مرتبہ دیکھتے ہی سنجے دت نے یہ الفاظ کہے ’یہ خوبصورت خاتون کون ہیں؟‘۔

بھارتی میڈیا کے مطابق ایک انٹرویو کے دوران سنجے دت کا کہنا تھا کہ ایشوریا کو پہلی بار دیکھنے کے بعد مجھے میری بہنوں نے خبردار کیا کہ میں ایشوریا کو شادی کے لیے درخواست نہ کروں کیونکہ ہم دونوں کا ساتھ میں فوٹو شوٹ ہونے والا تھا۔

سنجے دت کا کہنا تھا کہ میری بہنیں بھی ایشوریا کو بہت پسند کیا کرتی تھیں، بہنوں نے کہا کہ ایشوریا کو شادی کی پیشکش اور موبائل نمبر مت لینا، اسے پھولوں کا تحفہ بھی مت بھیجنا۔

سنجے دت نے انٹرویو میں خوبصورت خواتین کے بالی ووڈ میں کام کرنے سے متعلق کہا کہ اس انڈسٹری میں آنے کے بعد انسان تبدیل ہو جاتا ہے، یہاں آپ کی معصومیت ختم ہو جاتی ہے اور اسی طرح ایشوریا رائے کے چہرے کی خوبصورتی بھی ختم ہو جائے گی کیونکہ انہیں اب فلم میں کام کرنا ہے جو بالکل بھی آسان کام نہیں ہے۔

ساتھ ہی سنجے دت نے مذاق میں کہا کہ اگر ایشوریا رائے سڑک پر کھڑی ہو جائیں تو تمام گاڑی رک جائیں گی لیکن اگر ایسا ہی میں کروں تو سب مجھے کچل ڈالیں گے۔

خیال رہے کہ سنجے دت اور ایشوریا رائے نے 2002ء میں فلم ’ہم کسی سے کم نہیں‘ اور 2005ء میں فلم ’شبد‘ میں ایک ساتھ اداکاری کی۔ ماضی میں دونوں ایک دوسرے کے اچھے دوست بھی رہے ہیں۔