بالی وڈ منشیات کیس: سارہ علی خان، دیپیکا پڈوکون اور شردھا کپور کے موبائل فونز ضبط

گذشتہ روز ممبئی میں آنجہانی اداکار سوشانت سنگھ راجپوت کی موت سے متعلق منشیات کی تحقیقات میں پوچھ گچھ کے لئے بالی وڈ اداکارہ دپیکا پڈوکون ، شردھا کپور اور سارہ علی خان این سی بی آفس میں پوچھ گچھ کی-

باغی ٹی وی : سوشانت سنگھ راجپوت خودکشی کیس میں ڈرگز سے متعلق تحقیقات میں اداکارہ دیپیکا پڈوکون اور سارہ علی خان کے موبائل فون کو قبضے میں لے لیا گیا۔

این سی بی نے کرشمہ پرکاش ، راکول پریت سنگھ ، اور ٹیلنٹ منیجر جیا سہا اور فیشن ڈیزائنر سائمون کھمبٹہ کے فون بھی قبضے میں لے لئے ہیں ہفتے کے روز این سی بی نے اداکارہ دپیکا پڈوکون ، شردھا کپور اور سارہ علی خان کے بیانات قلمبند کیے-

بھارتی میڈیا کی رپورٹ کے مطابق بالی ووڈ میں ڈرگز مافیا سے متعلق معاملات کی تحقیقات میں صف اول کی اسٹارز نارکوٹکس کنٹرول بیورو (این سی بی) کے سامنے پیش ہوئیں۔

این سی بی میں پوچھ گچھ کے دوران دیپیکا پڈوکون نے اپنی مینیجر کرشمہ پرکاش کے ساتھ میڈیا میں گردش کرتے واٹس ایپ میسجز کا اعتراف کیا۔

تاہم اب تازہ رپورٹس کے مطابق حکام نے دیپیکا پڈوکون اور سارہ علی خان کے موبائل فون کو اپنے قبضے میں لے لیا ہے۔

میڈیا رپورٹس کے مطابق این سی بی حکام کا کہنا ہے کہ ان فونز کو فارنزک کے لیے بھجوایا جائے گا اس کے ساتھ ساتھ سارہ علی خان سے 2017 سے اب تک ان کے استعمال میں رہنے والے موبائل فونز بھی طلب کیے گئے تاہم اداکارہ نے ان فونز سے لاعلمی کا اظہار کیا۔

واضح رہے کہ سارہ علی خان اور دیپیکا پڈوکون کے علاوہ اداکارہ شردھا کپور کو بھی سوالات و جوابات کے لیے طلب کیا تھا جبکہ تحقیقاتی ادارے کی جانب مزید طلبی کے نوٹس جاری نہیں کیے گئے۔

رپورٹس کے مطابق سنٹرل ایجنسی کے ایک عہدیدار نے بتایا کہ بالی وڈ میں منشیات کے معاملے کے سلسلے میں این سی بی کے ذریعہ اب تک 18 سے زیادہ افراد کو گرفتار کیا جا چکا ہے۔ انہوں نے بتایا کہ کرشمہ پرکاش ، سارہ علی خان ، دیپیکا پڈوکون اور شردھا کپور کے بیانات ریکارڈ کیے گئے ہیں۔

انہوں نے بتایا کہ کشتج پرساد کو پوچھ گچھ کے بعد گرفتار کیا گیا ہے۔ آج کوئی نیا سمن جاری نہیں کیا گیا ہے۔ ہم نے 18 سے زائد افراد کو گرفتار کیا ہے-

خیال رہے کہ آنجہانی اداکار سوشانت سنگھ راجپوت 14 جون کو اپنے کمرے میں مردہ حالت میں پائے گئے تھے۔

ابتدا میں پولیس نے اس کیس کو خودکشی قراردیا، تاہم تحقیقاتی اداروں نے اس کی مختلف زاویوں سے تحقیقات شروع کی تو معاملہ سشانت کو ڈرگز دینے تک پہنچ گیااس سلسلے میں سشانت سنگھ راجپوت کی سابقہ دوست ریاچکرورتی کو گرفتار کیا گیا تھا جنھوں نے مشنیات استعمال کرنے والوں کے نام بتائے جن میں سارہ علی خان کا نام بھی شامل تھا۔

این سی بی نے اپنی تحقیقات کا دائرہ وسیع کیا جس کے بعد دیپیکا پڈوکون اور شردھا کپور کو منشیات استعمال کرنے سے متعلق پوچھ گچھ کے لیے طلب کیا تھا جس میں دیپیکا پڈوکون نے تو اتراف جُرم کر لیا ہے جبکہ سارہ علی خان اور شردھا کپور ڈرگز کے استعمال سے متعلق الزامات کی تردید کرچکی ہیں۔

میں منشیات کا استعمال نہیں کرتا اور نہ ہی میں نے کبھی منشیات کے استعمال کو فروغ…

بالی وڈ مشیات کیس: سارہ علی خان اور شردھا کپور نے کے تمام الزامات کی تردید کر دی

بالی وڈ منشیات کیس:دیپیکا پڈوکون نے دوران تفتیش اعتراف جُرم کر لیا

جواب چھوڑیں

آپ کا ای میل ایڈریس شائع نہیں کیا جائے گا.