اداکارہ سارہ خان مردوں کی کونسی عادت سے نالاں

پاکستان ڈرامہ انڈسٹری کی معروف اداکارہ سارہ خان کی جانب سے سوشل میڈیا پرایک ویڈیو شیئر کی گئی ہے جس میں وہ مردوں کو فطرتاً بے وفا اور دھوکے باز قرار دے رہی ہیں۔

باغی ٹی وی :اداکارہ سارہ خان نے نجی چینل پر آن ائیر ہونے والے اپنے نئے ڈرامے رقص بسمل کی ایک ویڈیو فوٹو، ویڈیو شیئرنگ ایپ انسٹا گرام پر شیئر کی گئی ہے جس میں وہ مردوں کو فطرتاً بے وفا اور دھوکے باز قرار دے رہی ہیں۔

سارہ خان کی ویڈیو انٹرنیٹ پر خوب وائرل ہو رہی ہے جس پر مداحوں کی جانب سے اُن کے ڈائیلاگز اور اُن کی خوبصورت ادائیگی کی تعریفیں کی جا رہیں۔

سارہ خان کا ویڈیو میں مردوں سے متعلق کہنا ہے کہ کسی کے من سے کیا لینا دینا ہمیں، جس بھی لڑکی نے آج تک محبت کی ہے اُسے ملا ہی کیا ہے، دھوکا، رسوائی، سارے مرد ایک جیسے ہوتے ہیں، مرد اور وفا دونوں الگ الگ چیزیں ہیں-

سارہ خان کا ڈرامے کے سین میں کہنا ہے کہ ایسے تو مرد بڑے بڑے دعوے کرتے ہیں پیار کے محبت کے، جب ثابت کرنے کا وقت آتا ہے تو ایسے ہو جاتے ہیں جیسے وہ آپ کو جاتے ہی نہیں ہیں عورت کو پیار محبت عشق کے چکر میں پڑنا ہی نہیں چاہیے، پہلے اُسے اپنا مستقبل بنانا چاہیے، کیوں کے مرد کا دل بھرنے میں دیر نہیں لگتی۔

سارہ خان کی اس ویڈیو پر اُن کے شوہر، معروف گلوکار فلک شبیر کی جانب سے بھی مزاحیہ کمنٹ کیا گیا فلک شبیر نے سارہ خان کو ڈرامے کے کردار کے نام سے پکارتے ہوئے لکھا کہ ایسا تو نہیں بولو زوہرا۔

جبکہ اداکارہ ثنا جاوید نے بھی سارہ خان کی ویڈیو پر رد عمل دیتے ہوئے تعریف کی-

عمران اشرف ساتھی اداکار بلال عباس کی اداکاری کے متعرف

سوشل میڈیا صارفین کے مطابق سال 2020 کا بہترین شوہر کون ہے؟