سال 2020 کی بہترین جوڑی سارہ خان اور فلک شبیر کی شادی کو 4 ماہ ہوگئے

پاکستان شوبز انڈسٹری کی خوبرو اداکارہ سارہ خان اور گلوکار فلک شبیر کی شادی کو 4 ماہ مکمل ہوگئے ہیں۔

باغی ٹی وی: رواں سال لاک ڈاؤن کے دوران جولائی کے مہینے میں گلوکار فلک شبیر کے ساتھ رشتہ ازدواج میں منسلک ہونے والی اداکارہ سارہ خان نے اپنی شادی کے 4 ماہ مکمل ہونے پر سماجی رابطے کی ویب سائٹ انسٹاگرام پر اپنی شادی کے کچھ خوبصورت لمحات شیئر کئے ہیں۔

مذکورہ تصویروں میں سے پہلی تصویر سارہ خان اور اُن کی دونوں بہنوں کی ہے جبکہ کچھ تصویروں میں فلک شبیر ڈانس اور گلوکاری کرتے دکھائی دے رہے ہیں۔

ایک تصویر میں سارہ خان اور اُن کے شوہر ہاتھ سے دل بناتے بھی دکھائی دیئے ہیں جبکہ یہ تصویر اُن کی بارات کے دن کی ہے۔

سارہ خان نے اپنی پوسٹ کے کیپشن میں لکھا کہ ماشاءاللہ ہماری شادی کو 4 ماہ مکمل ہو گئے ہیں۔

دوسری جانب فلک شبیر نے بھی اپنے انسٹاگرام اکاؤنٹ سارہ خان کے ہمراہ تصویریں شیئر کرتے ہوئے کیپشن میں لکھا کہ ’ہمسفر۔‘

واضح رہے کہ رواں سال 17 جولائی کو اداکارہ سارہ خان اور نامور گلوکار فلک شبیر رشتۂ ازدواج میں منسلک ہوئے تھے اور سوشل میڈیا صارفین کی جانب سے شوبز انڈسٹری کی اس جوڑی کو سن 2020 کی بہترین جوڑی قرار دیا گیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.