fbpx

سڑک کی کنکریت کیساتھ تعمیر جاری

قصور
رائیونڈ قصور روڈ پر مین سٹاپوں پر کنکریت و سریئے سے سڑک مرمت کا کام جاری ،لوگوں کی پوری سڑک کو کنکریت سے تیار کرنے کی درخواست

تفصیلات کے مطابق قصور رائیونڈ روڈ کے مین سٹاپوں پر کنکریت و لوہے کے ساتھ سڑک تعمیر کا کام جاری ہے جو کہ ایک بہت بڑی کاوش ہے کیونکہ اس سڑک پر ٹریفک انتہائی زیادہ ہے جس کے باعث تارکول کی سڑک جلد خراب ہو جاتی تھی خاص کر ان سٹاپس پر جہاں نکاسی آب بھی نہیں ہے اس لئے اب کنکریت و سریئے کیساتھ 9 انچ اونچائی والی مضبوط سڑک تعمیر کی جارہی ہے جس پر عوام نے نیک تمناؤں کا اظہار کیا ہے اور ساتھ ہی یہ مطالبہ بھی کیا ہے کہ سارے قصور رائیونڈ روڈ کو اسی کنکریٹ سے تیار کیا جائے تاکہ بار بار سڑک کی ٹوٹ پھوٹ سے عوام کو مشکلات نا ہو
واضع رہے کہ چند ماہ قبل ہی اس سارے روڈ پر بجری و تارکول سے پر کئے جانے والے گڑھے دوبارہ نمودار ہو چکے ہیں جس سے آئے روز حادثات ہوتے رہتے ہیں

رپورٹ غنی محمود قصوری