سرگودھا ۔ بھاگٹانوالہ میں قبضہ مافیا کا راج ۔ شہری پریشان ۔

سرگودھا کے نواحی علاقہ بھاگٹانوالہ میں قبضہ مافیا کا راج، غریب شہریوں سے لاکھوں روپے بھتہ وصولی کا انکشاف،تھانہ بھاگٹانوالہ کی پولیس قبضہ اور بھتہ مافیا کی سرپرست بن گئی،متاثرین کا احتجاج،وزیراعظم عمران خان سے نوٹس لینے کی اپیل .

تفصیلات کے مطابق :
سرگودھا کے نواحی علاقہ بھاگٹانوالہ کے رہائشی محمد سرور نے بتایا کہ میں نے پانچ سال پہلے تین مرلہ جگہ خریدی اور اس کا انتقال بھی اپنے نام کروایا اور اب جبکہ میں نے تعمیر شروع کی تو علاقہ کے مشہور قبضہ مافیا کے لوگ یاسین،شوکت علی،ثناءاللہ،ضیاء اللہ اور لیاقت علی آگئے اور دولاکھ بھتہ کی ڈیمانڈ کی جس پر میں نے ملزمان کے خلاف تھانہ بھاگٹانوالہ میں درخواست گزاری لیکن کوئی کاروائی نہ ہو سکی ہے متاثرین نے وزیراعظم عمران خان سے مطالبہ کیا ہے بھاگٹانوالہ کے شہریوں کی ان قبضہ اور بھتہ مافیا سے جان چھڑوائی جائے ہماری رقوم واپس دلوائی جائیں اور ان کے خلاف قبضہ کر کے بھتہ وصول کرنے کے مقدمات درج کیے جائیں