شہریوں کو لوٹنے والے نوسر باز پولیس کے ہاتھوں گرفتار

0
31

سرگودھا(نمائندہ باغی ٹی وی) درجنوں شہریوں کو جعلسازی اور دھوکہ دہی سے لوٹنے والے گینگ کا سرغنہ پولیس کے ہتھے چڑھ گیا، پولیس نے عدالت سے ملزم کا تین روزہ جسمانی ریمانڈ حاصل کر لیا، تفصیلات کے مطابق سرگودھا شہر کی آبادی منظور ٹاﺅن کا رہائشی درجنوں سنگین وارداتوں میں ملوث ملزم عبدالرحمن ساجد، جس کے خلاف شہریوں سے جعل سازی اور دھوکہ دہی سے لاکھوں روپے بٹورنے کے الزامات ہیں جسے سرگودھا پولیس کی ہاتھ ڈالنے میں قطراتی ہے ملزم کے خلاف سرگودھا کے ایک شہری کو ہزاروں روپے سے محروم کرنے کے الزام میں تھانہ اربن ایریا پولیس نے مقدمہ درج کر کے ملزم کو ڈیڑھ ماہ کے بعد ڈی پی او سرگودھا کے حکم پر ڈرامائی انداز میں گرفتار کر لیا، ملزم کو پولیس نے دیگر وارداتوں کی تفتیش کیلئے علاقہ مجسٹریٹ سے تین روزہ جسمانی ریمانڈ حاصل کر کے تفتیش کا دائرہ وسیع کر دیا ہے، پولیس کے مطابق ملزم انتہائی چلاک اور مکار ہے جو مختلف بہانوں سے شہریوں کو لوٹ رہا تھا، چنانچہ مقامی شہری کی درخواست پر ڈی پی او کے حکم پر ملزم کے خلاف مقدمہ درج کیا گیا جو گذشتہ ڈیڑھ ماہ سے پولیس کی گرفت میں آنے سے بچتا رہا تاہم ملزم کو گزشتہ رات گرفتار کر کے اس کا جسمانی ریمانڈ حاصل کیا گیا ہے مزید تفتیش جاری ہے،

Leave a reply