fbpx

سرگودھا : رشتہ کے تنازعہ پر سگے بھانجے نے ماموں اور ممانی کو قتل کر دیا ۔

سرگودھا ( ادریس نواز چدھڑ سے ) رشتہ سے انکار کے تنازعہ پر سگے بھانجے نے ماموں اور ممانی کو فائرنگ کر کے بیدردی سے موت کے گھاٹ اتار دیا ، ملزم موقع سے گرفتار، مقدمہ درج

تفصیلات کے مطابق :
سرگودھا تھانہ جھال چکیاں کے علاقہ چک 81 شمالی کے رہائشی ریاض نے خاندانی رنجش پر اپنے بھانجے عدیل کو اپنی بیٹی کا رشتہ دینے سے انکار کیا تو ملزم عدیل نے مسلح ہو کر گھر میں داخل ہو کر جھگڑا کرنا شروع کر دیا اس دوران ریاض کا چھوٹا بھائی مختار جو کہ گزشتہ روز ہی بیرون ملک سے چھٹی پر آیا تھا اس نے اور اسکے بڑے بھائی نذیر کی بیوی روبینہ نے اسے سمجھانے کی کوشش کی تو ملزم نے طیش میں آکر فائرنگ کرکے دونوں کو موقع پر ہی قتل کر دیا اہل علاقہ کے پولیس کو اطلاع دینے پر تھانہ جھال چکیاں پولیس کے علاوہ ایس ایچ او تھانہ جھال چکیاں انسپکٹر صاحب خان اور ڈی ایس پی صدر سرکل شفقت ندیم عطا بھی فوری جائے وقوعہ پر پہنچ گئے پولیس نے ملزم کو موقع پر ہی آلہ قتل سمیت گرفتار کر لیا ۔ جبکہ مقتولین کی نعشیں قبضہ میں لیکر پوسٹمارٹم کے بعد ورثاء کے حوالے کر دیں مقتول مختار کی عمر ساٹھ سال تھی اور تین بچوں کا باپ تھا جبکہ مقتولہ روبینہ بی بی کی عمر پچپن سال تھی اور پانچ بچوں کی ماں اور دونوں مقتول اور مقتولہ آپس میں بھابھی دیور تھے۔۔

Facebook Notice for EU! You need to login to view and post FB Comments!