سرگودھا : تحصیل ساہیوال کے قصبہ فاروکہ میں ٹیچر کا چوتھی کلاس کی طالبہ پر بیہمانہ تشدد ۔

سرگودھا کی تحصیل ساہیوال کے نواحی قصبہ فروکہ کے گورنمنٹ گرلز ایلمنٹری سکول میں تعینات سکول ٹیچر کو چوتھی کلاس کی طالبہ کو بیہیمانہ تشدد کا نشانہ بنانے پر سسپینڈ کر دیا گیا، خالدہ نامی ٹیچر نے دو روز قبل چوتھی کلاس کی طالبہ کو سبق یاد نہ کرنے پر تشدد کا نشانہ بنایا تھا، جس پر بچی کے والدین سراپاء احتجاج تھے

دو روز قبل گورنمنٹ گرلز ایلیمنٹری سکول فروکہ میں تعینات خالدہ نامی ٹیچر نے سبق یاد نہ کرنے پر چوتھی کلاس کی طالبہ پر بیہیمانہ تشدد کیا اور طالبہ کے چہرے پر تھپڑ مارے تھے، جبکہ ننھی طالبہ مریم معافیاں مانگتی رہی، تھی، ظلم حد سے بڑھنے اور ناک سے خون بہنے پر بچی بیہوش بھی ہو گئی، لیکن سنگدل ٹیچر کو رحم پھر بھی نہ آیا، حالات تشویش ناک ہونے پر والدین نے ننھی طالبہ کو رورل ہیلتھ سینٹر فروکہ منتقل کیا، جہاں بچی کو طبی امداد کے بعد ہوش آ گیا، لواحقین نے جب ٹیچر سے رابطہ کیا تو ٹیچر نے بات کرنے سے انکار کر دیا، بچی کے والدین کی داد رسی کرنا تو دور بات، سنگدل ٹیچر نے والدین سے ملاقات کرنا بھی گوارا نہ کی، جس پر بچی کے والدین سراپاء احتجاج تھے، جب سارا معاملہ میڈیا کی زینت بنا تو محکمہ ایجوکیشن نے نوٹس لیتے ہوئے، متعلقہ ٹیچر کو سسپینڈ کر دیا