صبا قمر کو سوشل میڈیا پر ٹرول کا سامنا ساتھی اداکارائیں حمایت میں سامنے آ گئیں

0
28

اداکارہ صبا قمر کو صارفین کی جانب سے تنقید کا نشانہ بنانے پرسابقہ اداکارہ نور بخاری اور اداکارہ زویا ناصر صبا قمر کی حمایت میں سامنے آ گئیں-

صبا قمر اپنی سالگرہ کی تقریب میں پہنے نیلے رنگ کے نامناسب لباس کے باعث تنقید کی زد میں تھیں، سوشل میڈیا پر انہیں مختصر لباس پہننے تصویر میں شاندار انداز میں ترمیم کی گئی جسے استعمال کرتے ہوئے صبا قمر کو ٹرول کیا جارہا تھا ایسے میں ساتھی اداکارہ زویا ناصر اور نور بخاری ان کی حمایت میں سامنے آئی ہیں۔

نور بخاری نے انسٹاگرام پر صبا قمر کی ترمیم شدہ تصویر شیئر کرتے ہوئے کہاکہ کسی کو بھی یوں صبا قمر کا یا کسی بھی حجابی کا مذاق اڑانا نہیں چاہئے۔

زویا ناصر نے اپنی انسٹاگرام اسٹوری میں لوگوں کے دوہرے معیار پر بات کرتے ہوئے کہا کہ ’یہ وہی مرد و خواتین ہیں جو صبا قمر کے ساتھ ایک سیلفی لینے کے لیے ترس رہے ہوتے ہیں۔

زویا نے یہ بھی کہا کہ یہ وہی لوگ ہیں جو صبا کی ایک جھلک دیکھتے ہی سیلفی لینے کے لیے ان کے پیچھے دوڑتے ہیں اور پھر اپنے ساتھیوں کو وہ سیلفی ایک اعزازی طور پر دکھاتے ہیں۔

دوسری جانب صبا قمر اس تصویر اور اس پر کیے جانے والے تبصروں سے لطف اندوز ہوتی دکھائی دے رہی ہیں، انہوں نے اپنی انسٹاگرام اسٹوری میں ترمیم شدہ تصویر شیئر کرتے ہوئے لکھا کہ ’یہ واقعی مزاحیہ ہے۔‘

Leave a reply