سعودی حکومت نے شہریوں کی کم سے کم اجرت میں‌ کتنا کیا اضافہ

سعودی عرب نے شہریوں کی کم سے کم اجرت میں‌ اضافہ کر دیا

باغی ٹی وی : سعودی عرب نے شہریوں کی کم سے کم اجرت تین ہزار ریال (800 ڈالر) ماہانہ سے بڑھا کر چار ہزار ریال (1066 ڈالر) کرنے کا اعلان کیا ہے۔

سعودی عرب کی وزارت برائے انسانی وسائل اور سماجی ترقی نے بدھ کو سعودی شہریوں کی کم سے کم اُجرت میں 33 فی صد اضافے کا فیصلہ کیا ہے اور کہا ہے کہ اس کا آج سے پانچ ماہ کے بعد اطلاق ہوگا۔تاہم اس نے یہ نہیں بتایا ہے کہ یہ فیصلہ کس تاریخ سے نافذ العمل ہوگا۔العربیہ کے مطابق وزارت نے واضح کیا ہے کہ اگر کسی کمپنی کا ملازم کوئی سعودی شہری نئی وضع کردہ کم سے کم اُجرت سے بھی کم ماہانہ تن خواہ وصول پائے گا تو اس کو کمپنی کے سعودی شہریوں کے لیے مختص ملازمتوں کے کوٹا میں شمار نہیں کیا جائے گا۔

اس نے مزید کہا ہے کہ اگر کوئی سعودی ملازم یا ورکر تین ہزار اور چار ہزار ریال کے درمیان ماہانہ تن خواہ وصول کرے گا تو اس کو کمپنی کا نصف ملازم شمار کیا جائے گا۔وزارت کے اس نئے فیصلے کا جزوقتی کام یا ملازمت کرنے والے سعودی طلبہ پر بھی اطلاق ہوگا یا جو لوگ اپنی دیگرمصروفیات کے مطابق من پسند اوقات میں اُجرت پر کام کرتے ہیں تو ان پر بھی اس نئے ضابطے کا اطلاق ہوگا

جواب چھوڑیں

آپ کا ای میل ایڈریس شائع نہیں کیا جائے گا.