سعودی عرب میں پاکستانی ڈرائیور کا ہندو خاتون سے ایسا سلوک کہ پوری قوم کا سر فخر سے ہوا بلند

سعودی عرب میں‌ پاکستانی ٹیکسی ڈرائیور نے ایمانداری کی ایسی مثال قائم کی ہے کہ پوری پاکستانی قوم پر اس پر فخر کر سکتی ہے،

باغی ٹی وی کی رپورٹ کے مطابق گزشتہ روز ریاض میں ایک ہندو خاتون نے پاکستانی ٹیکسی ڈرائیور کے ساتھ سفر کیا تو وہ اپنا پرس بھول گئی جس میں ہندو خاتون اور اس کے بیٹے کا پاسپورٹ، 50 ہزار ریال، ڈالر، کارڈ اور اہم دستاویزات تھیں تاہم پاکستانی ٹیکسی ڈرائیور نے آج مذکورہ خاتون کا گھر ڈھونڈ کر اسے وہ پرس واپس کر دیا جس میں تمام اشیاء‌ موجود تھیں،

ہندو خاتون نے پرس چیک کیا تو اس میں سب چیزیں اسی طرح موجود تھیں جس پر خاتون نے پاکستانی ٹیکسی ڈرائیور کو ساتھ کھڑا کر کے ویڈیو پیغام ریکارڈ کیا اور کہا کہ پاکستانیوں کے بارے میں ہندوستانیوں کے دلوں میں نفرت بھری جاتی ہے لیکن آج مجھے ایسےایماندار پاکستانی سے مل کر فخر محسوس ہو رہا ہے جس نے ہمارے پاسپورٹ ، ساری رقم اور دیگر اشیاء واپس کر دی ہیں. ہندو خاتون نے کہاکہ میں‌ آج اس پاکستانی ٹیکسی ڈرائیور سے مل کر بہت خوش ہوں جس نے میرے ہندو ہونے کے باوجود میرا سب کچھ واپس کر دیا، سوشل میڈیا پر یہ ویڈیو تیزی سے وائرل ہوئی ہے اور ایمانداری کی اعلیٰ مثال پیش کرنے والے پاکستانی ٹیکسی ڈرائیور کو زبردست خراج تحسین پیش کیاجارہا ہے،

جواب چھوڑیں

آپ کا ای میل ایڈریس شائع نہیں کیا جائے گا.