سعودی عرب:تحقیق کے شعبے پر قومی پیداوار کا ڈھائی فیصد خرچ کرنے کا فیصلہ

0
25

ریاض:سعودی عرب، تحقیق کے شعبے پر قومی پیداوار کا ڈھائی فیصد خرچ کرنے کا فیصلہ،اطلاعات کے مطابق سعودی ولی عہد شہزادہ محمد بن سلمان نے تحقیق کے شعبے پر قومی پیداوار کا ڈھائی فیصد خرچ کرنے کا فیصلہ کیا ہے۔ اس سے 2040 تک قومی معیشت میں 60 ارب ریال کا اضافہ ہوگا۔

غیر ملکی خبررساں ادارے کے مطابق سعودی ولی عہد یں نے آئندہ دوعشروں کے حوالے سے سعودی عرب کی ترجیحات کا اعلان کرتے ہوئے کہا کہ ہماری چار بڑی ترجیحات ہیں۔انسانی صحت، ماحولیاتی استحکام، بنیادی ضروریات، توانائی و صنعت میں قیادت اور مستقبل کی معیشت پر توجہ مرکوز کریں گے۔ اس سے عالمی سطح پر سعودی عرب کی مسابقتی استعداد مضبوط ہوگی۔

سعودی ولی عہد کا مزید کہنا تھا کہ ہم نے تحقیق اور ایجاد کے شعبے کے حوالے سے مستقبل کی امنگوں کے لیے کام کرنےکا فیصلہ کیا ہے۔ اس کا بڑا ہدف یہ ہے کہ سعودی عرب پوری دنیا میں جدت کے حوالے سے قیادت کرنے والے ممالک میں شامل ہو۔

ان کا مزید کہنا تھا کہ اسی لیے ہم نے تحقیق اور ایجادات کے شعبے پر سالانہ خرچ سال 2040 میں کل قومی پیداوار کا ڈھائی فیصد ہوگا۔ جس کی بدولت یہ سیکٹر 2040 کی مجموعی قومی پیداوار میں 60 ارب ریال کا اضافہ کرے گا اور اس سے قومی معیشت میں تنوع پیدا ہوگا۔ ہزاروں نئی اسامیاں نکلیں گی۔ سائنس، ٹیکنالوجی اور ایجادات کے شعبوں میں اعلی درجے کی ملازمتیں سامنے آئیں گی۔

واضح رہے، تحقیق اور ایجاد کے شعبے کو پروان چڑھانے کی خاطراس شعبے کے ڈھانچے کی تنظیم نو کی گئی ہے۔ ایک اعلیٰ کمیٹی قائم کی گئی ہے جس کے سربراہ خود ولی عہد ہیں۔ وہ ریسرچ اور ایجاد کے شعبے کی نگرانی بذات خود کریں گے۔

Leave a reply